മണ്ണാര്‍ക്കാട്: ദിശ 2022ന്റെ ഭാഗമായി മണ്ണാര്‍ക്കാട് രാമന്‍ വിദ്യാ ഭ്യാസ ഗവേഷണ കേന്ദ്രം ലൈബ്രറിയും ഇന്‍സൈറ്റ് അക്കാദമി മണ്ണാര്‍ക്കാടും സംയുക്തമായി എസ്എസ്എല്‍സി പരീക്ഷയില്‍ സമ്പൂര്‍ണ എപ്ലസ് വിജയികളെയും ഒമ്പത് വിഷയങ്ങളില്‍ എ പ്ലസ് നേടിയ വിജയികളേയും അനുമോദിക്കുന്നു.26ന് ഞായറാഴ്ച ഉച്ച കഴിഞ്ഞ് 2.30ന് മണ്ണാര്‍ക്കാട് ജിഎംയുപി സ്‌കൂളില്‍ വെച്ചാണ് അ നുമോദന സമ്മേളനം നടക്കുക.25ന് വൈകീട്ട് 5 മണി വരെ രജിസ്റ്റര്‍ ചെയ്യാം.രജിസ്‌ട്രേഷന് എസ്എസ്എല്‍സി മാര്‍ക്ക് ലിസ്റ്റും അഡ്രസ് പ്രൂഫും 9447972544 എന്ന നമ്പറില്‍ വാട്‌സ് ആപ്പ് ചെയ്യണം. അനുമോ ദന സമ്മേളനത്തോടനുബന്ധിച്ച് കരിയര്‍ ആന്‍ഡ് ഗൈഡന്‍സ് വിദ ഗ്ദ്ധന്‍ ഇസ്ഹാഖ് കുട്ടികള്‍ക്കാവശ്യമായ കോഴ്‌സ് ഗൈഡന്‍സ് നല്‍കുമെന്ന് രാമന്‍ വിദ്യാഭ്യാസ ഗവേഷണ കേന്ദ്രം ലൈബ്രറി സെക്രട്ടറി അറിയിച്ചു.
