അലനല്ലൂര്‍: ആട്ടവും പാട്ടുമായി എടത്തനാട്ടുകര ഗവ. ഓറിയന്റല്‍ ഹയര്‍ സെക്കന്ററി സ്‌കൂളില്‍ നവാഗതരെ സ്വീകരിച്ചു.സ്റ്റുഡന്റ് പോലീസ് കേഡറ്റ്, സ്‌കൗട്ട്‌സ് ആന്റ് ഗൈഡ്‌സ്, ജൂനിയര്‍ റെഡ് ക്രോ സ്സ് വിദ്യാര്‍ത്ഥികളുടെ നേതൃത്വത്തിലാണ് നവാഗതരെ സ്‌കൂളിലേ ക്ക് വരവേറ്റത്.പ്രവേശനോല്‍സവം ഇന്ത്യന്‍ ഫുട്ബാള്‍ താരം വി. പി.സുഹൈര്‍ ഉദ്ഘാടനം ചെയ്തു.എസ്.എം.സി. ചെയര്‍മാന്‍ സി. നാരായണന്‍ കുട്ടി അധ്യക്ഷത വഹിച്ചു.പി.ടി.എ. എക്‌സിക്യൂട്ടീവ് അംഗം പി.അഹമ്മദ് സുബൈര്‍, പ്രിന്‍സിപ്പാള്‍ എസ്. പ്രതിഭ, പ്രധാ നാധ്യാപിക ടി.കെ. കുന്‍സു, ഹയര്‍ സെക്കന്ററി വിഭാഗം സീനിയര്‍ അധ്യാപകന്‍ കെ. ശിവദാസന്‍, ഹൈസ്‌കൂള്‍ വിഭാഗം സീനിയര്‍ അധ്യാപകന്‍ പി. അബ്ദുന്നാസര്‍, ഹയര്‍ സെക്കന്ററി വിഭാഗം സ്റ്റാഫ് സെക്രട്ടറി ബി.ബി. ഹരിദാസ്, ഹൈസ്‌കൂള്‍ വിഭാഗം സ്റ്റാഫ് സെക്ര ട്ടറി വി.പി.അബൂബക്കര്‍, കെ.ടി.സിദ്ദീഖ് എന്നിവര്‍ പ്രഭാഷണം നടത്തി.ഭിന്നശേഷി വിദ്യാര്‍ത്ഥി പി.ആദില്‍ ഹാമിദ് അടക്കമുള്ള കുട്ടികളുടെ കലാപരിപാടികള്‍ അരങ്ങേറി. പായസ വിതരണവും നടത്തി.
