തച്ചമ്പാറ: ദേശീയപാതയില്‍ മുള്ളത്ത് പാറയില്‍ മിനി ലോറിയും ടൂറിസ്റ്റ് ബസും കൂട്ടിയിടിച്ച് മൂന്ന് പേര്‍ക്ക് പരിക്കേറ്റു.മിനി ലോറി ഡ്രൈവര്‍ കോയമ്പത്തൂര്‍ സ്വദേശി ഷാഹുല്‍ ഹമീദ് (32),ബസ് യാ ത്രക്കാരായ പനയമ്പാടം തെക്കേതില്‍ ലക്ഷ്മി (70),തെക്കേതില്‍ പാര്‍വ്വതി (68) എന്നിവര്‍ക്കാണ് പരിക്കേറ്റത്.
സാരമായി പരിക്കേറ്റ ലോറി ഡ്രൈവറെ തച്ചമ്പാറയിലെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും പിന്നീട് കോയമ്പത്തൂരിലെ ആശുപത്രിയിലേക്ക് മാറ്റി.മറ്റു രണ്ട് പേര്‍ തച്ചമ്പാറയിലെ ആശുപ ത്രിയല്‍ ചികിത്സ തേടി.
ബുധനാഴ്ച രാവിലെ എട്ടരയോടെയായിരുന്നു അപകടം.മണ്ണാര്‍ക്കാട് ഭാഗത്ത് നിന്നും പാലക്കാട് ഭാഗത്തേക്ക് പോവുകയായിരുന്ന ടൂറിസ്റ്റ് ബസും തമിഴ്‌നാട്ടില്‍ നിന്നും കോഴിക്കോട്ടേയ്ക്ക് പോവുകയായി രുന്ന മിനി ലോറിയും തമ്മിലാണ് കൂട്ടിയിടിച്ചത്.ഇടിയുടെ ആഘാ തത്തില്‍ നിയന്ത്രണം വിട്ട മിനി ലോറി സമീപത്തെ മരത്തില്‍ ഇടി ച്ചു നില്‍ക്കുകയായിരുന്നു.ക്യാബിനുള്ളില്‍ കുടുങ്ങിയ ഡ്രൈവറെ ക്യാബിന്‍ വെട്ടിപ്പൊളിച്ചാണ് നാട്ടുകാര്‍ പുറത്തെടുത്തത്.
