ഷാര്‍ജ: മണ്ണാര്‍ക്കാട് എംഇഎസ് കല്ലടി കോളേജ് പൂര്‍വ്വ വിദ്യാര്‍ത്ഥി കളുടെ യുഎഇയിലുള്ള കൂട്ടായ്മയായ എം.ഇ.എസ് കല്ലടിയന്‍സി ന്റെ ആഭിമുഖ്യത്തില്‍ ലെറ്റ്‌സ് ഇഫ്താര്‍ എന്ന പേരില്‍ നടത്തിയ ഇ ഫ്താര്‍ സംഗമം ശ്രദ്ധേയമായി.ഷാര്‍ജ സഫാരി മാളില്‍ നടന്ന സംഗമം യു.എ.ഇ കെ.എം.സി.സി ജനറല്‍ സെക്രട്ടറി അന്‍വര്‍ നഹ ഉദ്ഘാട നം ചെയ്തു.എം.ഇ.എസ് കല്ലടിയന്‍സ് യു.എ.ഇ പ്രസിഡന്റ് നൗഫല്‍ കാപ്പാട് അധ്യക്ഷനായി.അക്കാഫ് പ്രസിഡന്റ് പോള്‍ ജോസഫ്, സാമൂഹ്യ പ്രവര്‍ത്തകന്‍ അഡ്വ.ഹാഷിക്ക് തൈക്കണ്ടി തുടങ്ങിയ വര്‍ മുഖ്യാതിഥികളായി.നവംബര്‍ ആറിന് നടക്കുന്ന കോളേജ് ഡേ ആഘോഷങ്ങളുടെ ലോഗോ പ്രകാശനം മുഖ്യാതിഥികള്‍ ചേര്‍ന്ന് നിര്‍വഹിച്ചു. എം.ഇ.എസ് കല്ലടിയന്‍സ് യു.എ.ഇ ജനറല്‍ സെക്രട്ടറി മന്‍സൂര്‍ നെയ്യപ്പാടത്ത് സ്വാഗതവും ഫസീല നിസാര്‍ നന്ദിയും പറഞ്ഞു.
