അലനല്ലൂര്: എടത്തനാട്ടുകര ഉണ്ണിയാല് റോഡ് നവീകരണം പാതി യില് നിലച്ചതോടെ അപകടം പതിവായി. കഴിഞ്ഞ ദിവസം രാത്രി പാലക്കടവ് ഇറക്കത്തില് കാര് മറിഞ്ഞ് യാത്രക്കാര് രക്ഷപ്പെട്ടത് തലനാരിഴക്കാണ്. എടത്തനാട്ടുകര ഭാഗത്തേക്ക് പോവുകയായിരു ന്ന കാറാണ് അപകടത്തില്പെട്ടത്. ടാറിങ് മാത്രം ശേഷിക്കുന്ന റോഡില് മെറ്റല് ചിതറി കിടക്കുന്നത് അപകടങ്ങള്ക്ക് വഴിവെ ക്കുന്നു.
പാലക്കടവ് ഇറക്കത്തില് ഇതിനോടകം ഇരുചക്രവാഹനങ്ങളടക്കം നിരവധി വാഹനങ്ങളാണ് അപകടത്തില്പെട്ടത്. ഇവിടെ റോഡ് നിര്മാണം അശാസ്ത്രീയമാണെന്നും ആക്ഷേപമുണ്ട്. റോഡിലി റങ്ങി നില്ക്കുന്ന രണ്ട് വൈദ്യുതി കാലുകളും ഒരു ടെലഫോണ് പോസ്റ്റും എതിര് വശത്ത് റോഡിലേക്ക് തള്ളി നില്ക്കുന്ന ഡ്രൈ നേജിന്റെ മൂലയും അപകടകെണിയായിരിക്കുകയാണ്. രൂക്ഷമായ പൊടി ശല്യവും യാത്രക്കാര്ക്കും പ്രദേശവാസികള്ക്കും ദുരിതമാ കുന്നുണ്ട്.
കഴിഞ്ഞ ഏപ്രില് മാസത്തില് ആരംഭിച്ച റോഡ് നവീകരണമാണ് ഒമ്പത് മാസം പിന്നിട്ടിട്ടും പൂര്ത്തിയാകാതെ ജനങ്ങള്ക്ക് ദുരിതമാ യിമാറിയിരിക്കുന്നത്. റോഡ് നവീകരണം എത്രയും പെട്ടെന്ന് പൂര്ത്തീകരിച്ച് സുഗമമായ യാത്രക്ക് സൗകര്യമൊരുക്കണമെന്നാണ് നാട്ടുകാരുടെ ആവശ്യം.
