അഗളി:അട്ടപ്പാടിയില്‍ എക്‌സൈസ് നടത്തിയ റെയ്ഡില്‍ 526 ലിറ്റര്‍ വാഷ് കണ്ടെത്തി.പാടവയല്‍ കുളപ്പടി ഊരിന് മൂന്ന് കിലോമീറ്റര്‍ വടക്കുമാറി ചെന്താമലയുടെ മുകളിലുള്ള മലയിടുക്കില്‍ നിന്നാണ് വാഷ് കണ്ടെത്തിയത്.ഏഴ് കുടങ്ങളിലും രണ്ട് ബാരലുകളിലുമായാ ണ് വാഷ് സൂക്ഷിച്ചിരുന്നത്.സംഭവത്തില്‍ എക്‌സൈസ് അബ്കാരി നിയമപ്രകാരം കേസെടുത്തു.മണ്ണാര്‍ക്കാട് എക്‌സൈസ് സര്‍ക്കിള്‍ ഇന്‍സ്‌പെക്ടര്‍ ടോണി ജോസിന്റെ നേതൃത്വത്തില്‍ നടന്ന പരിശോ ധനയില്‍ സിവില്‍ എക്‌സൈസ് ഓഫീസര്‍മാരായ ജോണ്‍സണ്‍, ദീപക്ക്,അബ്ദുള്‍ നവാസ് എന്നിവര്‍ പങ്കെടുത്തു.
