അഗളി:അട്ടപ്പാടി പൊട്ടിക്കല്‍ ഊരിന് സമീപം കാട്ടില്‍ നിന്നും 25 ലിറ്റര്‍ ചാരായവും 444 ലിറ്റര്‍ വാഷും എക്‌സൈസ് കണ്ടെടുത്തു. മണ്ണാര്‍ക്കാട് എക്‌സൈസ് സര്‍ക്കിള്‍ ഇന്‍സ്‌പെക്ടര്‍ ടോണി ജോ സിന്റെ നേതൃത്വത്തിലായിരുന്നു പരിശോധന.കഴിഞ്ഞ ഏതാനം ആഴ്ചകളായി താഴെ കക്കുപ്പടി ഊര് കേന്ദ്രീകരിച്ച് സര്‍ക്കിള്‍ സം ഘവും അഗളി റെയ്ഞ്ചും നടത്തിയ പരിശോധനയില്‍ 4368 ലിറ്റര്‍ വാഷ് കണ്ടെടുത്ത് നശിപ്പിച്ചിരുന്നു.ഊര് നിവാസികളായ ചിലരെ മുന്‍നിര്‍ത്തി പുറമേ നിന്നുള്ളവരാണ് ഇതിന് പിന്നിലെന്നും അവരെ കുറിച്ച് അന്വേഷണം നടന്ന് വരുന്നതായും പാലക്കാട് അസി. എക്‌ സൈസ് കമ്മീഷണര്‍ എ രമേഷ് അറിയിച്ചു.അട്ടപ്പാടി മല്ലീശ്വരന്‍ കോവിലിലെ ഉത്സവത്തോടനുബന്ധിച്ച് മേഖല കേന്ദ്രീകരിച്ച് പരിശോധന തുടരുമെന്ന് എക്‌സൈസ് സര്‍ക്കിള്‍ ഇന്‍സ്‌പെക്ടര്‍ ടോണി ജോസ് അറിയിച്ചു.
