കോങ്ങാട്:പുലാപ്പറ്റ മോക്ഷത്ത് മഹാദേവ ക്ഷേത്രത്തിന്റെ ഭക്തി ഗാന ആല്‍ബം പ്രകാശനം സംഗീതജ്ഞന്‍ മണ്ണൂര്‍ രാജകുമാരനുണ്ണി നിര്‍വഹിച്ചു.കുതിര വട്ടം സ്വരൂപം പ്രതിനിധി കെ.സി.അനിത തമ്പാട്ടി അധ്യക്ഷയായി.നാട്ടിലെ കലാകാരന്മാരുടെ കൂട്ടായ്മയിലൂ ടെ ക്ഷേത്രത്തിന്റെ ചരിത്രങ്ങള്‍ ഉള്‍പ്പെടുത്തിയാണ് പുലാപ്പറ്റ ശ്രീ മോക്ഷത്തപ്പന്‍ എന്ന പേരില്‍ വീഡിയോ ആല്‍ബം നിര്‍മ്മിച്ചത്. ശങ്കരന്‍കുട്ടി പുലാപ്പറ്റയുടെ വരികള്‍ക്ക് പ്രദീപ് ചെറായ സംഗീത വും ആലാപനവും നിര്‍വഹിച്ചിരിക്കുന്നു.ദിനേശ് നെല്ലായയാണ് സംവിധായകന്‍.സുജിത്ത് പുലാപ്പറ്റ ഛായഗ്രാഹണവും,കൃഷ്ണകുമാര്‍ കലാസംവിധാനവും നിര്‍വ്വഹിച്ചിരിക്കുന്നു.ക്ഷേത്രം പ്രസിഡന്റ് പി .രാജന്‍ മേനോന്‍, ദിനേശന്‍ നെല്ലായ,കെ.ചിത്രന്‍, ടി.നളിനി, കെ. വിനയചന്ദ്രന്‍, കെ.ജയരാജ് എന്നിവര്‍ സംസാരിച്ചു.
