പാലക്കാട്:ജില്ലാ യുവജന കേന്ദ്രത്തിന്റെ നേതൃത്വത്തില്‍ വിവേ കാനന്ദ യുവ പ്രതിഭാ പുരസ്‌കാര സമര്‍പ്പണം സ്പോര്‍ട്സ് കിറ്റ്, കാര്‍ ഷിക മത്സര അവാര്‍ഡ് വിതരണം എന്നിവ ജില്ലാ പഞ്ചായത്ത് പ്രസി ഡന്റ് കെ.ബിനുമോള്‍ ഉദ്ഘാടനം ചെയ്തു. 2018 ലെ ജില്ലയിലെ മിക ച്ച യൂത്ത് ക്ലബ്ബായി നാട്ടുകല്‍ പാറപ്പുറം റോയല്‍ ചലഞ്ചേഴ്സിനെയും 2019ലെ ജില്ലയിലെ മികച്ച യൂത്ത് ക്ലബ്ബായി മുണ്ടക്കോട്ടുകുറുശ്ശി പ്രണവം കലാകായിക സമിതിയെയും തെരഞ്ഞെടുത്തു.
പിന്നാക്ക മേഖലയിലെ യുവാക്കളുടെ കലാകായിക മുന്നേറ്റത്തിനാ യി രൂപീകരിച്ചിട്ടുള്ള യുവ ക്ലബ്ബുകള്‍ക്കുള്ള പുരസ്‌കാരവും നല്‍കി. 2018 ലെ മികച്ച യുവക്ലബ്ബായി ആലത്തൂര്‍ വാലി പറമ്പ് യുവക്ലബ്ബി നെയും 2019 ലെ മികച്ച യുവക്ലബ്ബായി പിരായിരി ശങ്കരച്ചന്‍തൊടി യുവ ക്ലബ്ബിനെയും തെരഞ്ഞെടുത്തു. വിജയികള്‍ക്ക് മുപ്പതിനായിരം രൂപ ക്യാഷ് പ്രൈസ് സര്‍ട്ടിഫിക്കറ്റും നല്‍കി.
യൂത്ത് കോ-ഓര്‍ഡിനേറ്റര്‍മാര്‍ക്കും യൂത്ത് ക്ലബ്ബുകള്‍ക്കുമായി നട ത്തിയ കാര്‍ഷിക മത്സരത്തില്‍ കാരാകുറിശ്ശി എയിംസ് ഗ്രന്ഥശാലാ ആന്റ് കാലാകായിക സമിതി വിജയികളായി. ജില്ലാ യൂത്ത് കോ-ഓര്‍ഡിനേറ്റര്‍ ടി.എം.ശശി അധ്യക്ഷനായി. ജില്ലാ യൂത്ത് പ്രോഗ്രാം ഓഫീസര്‍ എം.എസ് ശങ്കര്‍, പുതുക്കോട് പഞ്ചായത്ത് യൂത്ത് കോര്‍ ഡിനേറ്റര്‍ നിധിന്‍ എന്നിവര്‍ സംസാരിച്ചു.
