തച്ചമ്പാറ:’അപകട രഹിത പുതുവത്സര ദിനം’ എന്ന ആശയവുമായി സന്നദ്ധ സേവന സംഘടനയായ ടീം തച്ചമ്പാറയുടെ നേതൃത്വത്തില്‍ തച്ചമ്പാറയില്‍ വ്യാഴാഴ്ച രാത്രി മുതല്‍ വെള്ളിയാഴ്ച പുലര്‍ച്ചെ വരെ ഡ്രൈവര്‍മാര്‍ക്കും യാത്രക്കാര്‍ക്കും ഉണര്‍ത്തു കാപ്പി വിതരണം നടത്തി.രാത്രി 10 മണിക്ക് ശേഷം ഹോട്ടലുകളോ തട്ടുകടകളോ ഒന്നും തുറക്കരുതെന്ന് പോലീസ് നിര്‍ദേശം നല്‍കിയതിനാല്‍ ദീര്‍ഘദൂര യാത്രക്കാരുടെ ബുദ്ധിമുട്ട് മനസ്സിലാക്കിയാണ് ടീം തച്ച മ്പാറ വളണ്ടിയര്‍മാര്‍ രാത്രിയില്‍ ഈ പ്രവര്‍ത്തനം നടത്തിയത്. കഴിഞ്ഞവര്‍ഷവും പുതുവര്‍ഷപ്പുലരിയില്‍ ഉണര്‍ത്തു കാപ്പി നല്‍കിയിരുന്നു.സാദിഖ് തച്ചമ്പാറ, റിഷാദ്, ബാബു തുടങ്ങിയവര്‍ നേതൃത്വം നല്‍കി.
