അലനല്ലൂര്‍:: കേരള സ്റ്റേറ്റ് പാരന്റ്‌സ് ടീച്ചേഴ്‌സ് അസോസിയേഷന്‍ (കെ.എസ്.പി.ടി.എ) ഗവണ്‍മെന്റ് ഹൈസ്‌കൂളുകള്‍ക്ക് ഏര്‍പ്പെടു ത്തിയ 2020 ലെ സംസ്ഥാനതല ഹരിത വിദ്യാലയം പുരസ്‌കാരം എടത്തനാട്ടുകര ഗവ. ഓറിയന്റല്‍ ഹയര്‍ സെക്കന്ററി സ്‌കൂൾ നേടി.
ജൈവ വൈവിധ്യ ഉദ്യാനം, ഔഷധ സസ്യ ഉദ്യാനം,ജൈവ പച്ചക്കറി ത്തോട്ടം, ജലസംരക്ഷണ ബോധവല്‍ക്കരണം, തടയണ നിര്‍മ്മാണം, തുണി സഞ്ചി വിതരണം, പേപ്പര്‍പേന നിര്‍മ്മാണ വര്‍ക്ക്‌ഷോപ്പ്, അര ലക്ഷത്തില്‍ പരം പ്ലാസ്റ്റിക് പേനക്കൂടുകളുടെ ശേഖരണം, പ്രകൃതി പഠന ക്യാമ്പുകള്‍, പരിസ്ഥിതി ബോധവല്‍ക്കരണ ക്ലാസ്സുകള്‍, ലഹ രിവിരുദ്ധ ബോധവല്‍ക്കരണം, രക്ഷിതാക്കള്‍ക്കും വിദ്യാര്‍ത്ഥികള്‍ ക്കുമായി സംഘടിപ്പിച്ച ബോധവല്‍ക്കരണ ക്ലാസ്സുകള്‍, പ്രളയം, കോ വിഡ് 19 ദുരിതാശ്വാസ പ്രവര്‍ത്തനങ്ങള്‍ തുടങ്ങിയ വേറിട്ട പ്രവര്‍ ത്തനങ്ങളാണ് സ്‌കൂളിനെ ഹരിത വിദ്യാലയം പുരസ്‌കാരത്തിന് അര്‍ഹമാക്കിയത്.
സഹ്യാദ്രി പരിസ്ഥിതി ക്ലബ്ബ്, ഹയര്‍ സെക്കന്ററി, ഹൈസ്‌കൂള്‍ വിഭാഗം സ്‌കൗട്ട്‌സ് ആന്റ് ഗൈഡ്‌സ്, എന്‍.എസ്.എസ്., മലയാള മനോരമ നല്ലപാഠം യൂണിറ്റ്, ജൂനിയര്‍ റെഡ് ക്രോസ്സ്, സ്‌കൂള്‍ പാര്‍ല മെന്റ് തുടങ്ങിയവക്ക് കീഴിലാണ് സ്‌കൂളില്‍ വൈവിധ്യമാര്‍ ന്ന ഹരിത വിദ്യാലയം പ്രവര്‍ത്തനങ്ങള്‍ സംഘടിപ്പിച്ചത്.
2021 ജനുവരിയില്‍ തൃശൂരില്‍ നടക്കുന്ന ചടങ്ങില്‍ വെച്ച് പുര സ്‌കാര വിതരണം നടക്കും.കഴിഞ്ഞ വര്‍ഷത്തെ പ്രവര്‍ത്തന ങ്ങളെ അടിസ്ഥാനമാക്കി സംസ്ഥാന വിദ്യാഭ്യാസ വകുപ്പിന്റെ ഏറ്റവും മികച്ച പി.ടി.എ. കമ്മറ്റിക്കുള്ള അവാര്‍ഡ്, മണ്ണാര്‍ക്കാട് വിദ്യാഭ്യാസ ജില്ലയില്‍ ഒന്നാം സ്ഥാനം, പാലക്കാട് റവന്യൂ ജില്ലയില്‍ രണ്ടാം സ്ഥാനം, മലയാള മനോരമ നല്ലപാഠം പദ്ധതിയില്‍ ജില്ലയില്‍ രണ്ടാം സ്ഥാനം എന്നിവയും സ്‌കൂളിന് ലഭിച്ചിരുന്നു.
