മണ്ണാര്‍ക്കാട്:ഭിന്ന ശേഷിയുള്ള കുട്ടികള്‍ക്കായി ഓണ്‍ലൈന്‍ വഴി നട ത്തിയ മാരിവില്ല് സംസ്ഥാന തല മത്സര വിജയികളെ വോയ്‌സ് ഓഫ് മണ്ണാര്‍ക്കാട് സ്‌നേഹസമ്മാനം നല്‍കി അനുമോദിച്ചു. കോ വിഡ് മാനദണ്ഡങ്ങള്‍ പാലിച്ച് ഫെയ്ത്ത് ഇന്ത്യ സംഘടിപ്പിച്ച ശിശു ദിന ദീപാവലി ആഘോഷ ചടങ്ങില്‍ വെച്ച് പുത്തനുടുപ്പുകളാണ് മത്സരവിജയികള്‍ക്ക് സമ്മാനമായി നല്‍കിയത്.വോയ്‌സ് ഓഫ് മണ്ണാര്‍ക്കാട് ചെയര്‍മാന്‍ ഗഫൂര്‍ പൊതുവത്ത്,എക്‌സി.അംഗം റഷീദ് മുറിയങ്കണ്ണി എന്നിവര്‍ പ്രിന്‍സിപ്പല്‍ രാജലക്ഷ്മി ടീച്ചര്‍ക്ക് കൈമാ റി.ജനറല്‍ കണ്‍വീനര്‍ സഹീര്‍ ഓസോണ്‍,ട്രഷറര്‍ ശ്രീവത്സന്‍ എന്നിവര്‍ പങ്കെടുത്തു.
