തച്ചമ്പാറ: ആധുനിക വാതക ശ്മശാനം വി കെ ശ്രീകണ്ഠന്‍ എം പി ഉദ്ഘാടനം ചെയ്തു. ഗ്രാമ പഞ്ചായത്ത് പ്രസിഡണ്ട് കെ രമണി അധ്യ ക്ഷത വഹിച്ചു.ബ്ലോക്ക് പഞ്ചായത്ത് പ്രസിഡന്റ് ഒ പി ഷെരീ ഫ്, ജില്ലാ പഞ്ചായത്തംഗം അച്യുതന്‍ നായര്‍, ബ്ലോക്ക് പഞ്ചായത്തംഗ ങ്ങളായ കെ പി മൊയ്തു, ചന്ദ്രിക രാജേഷ്, ഗ്രാമ പഞ്ചായത്ത് വികസ നകാര്യ സ്റ്റാന്‍ഡിങ് ചെയര്‍പേഴ്‌സണ്‍ ബിന ജോയ്, ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ നൗഷാദ് ബാബു, ആരോഗ്യ സ്റ്റാന്‍ ഡിങ് കമ്മിറ്റി ചെയര്‍പേഴ്‌സണ്‍ പുഷ്പലത, പഞ്ചായത്തംഗങ്ങളായ എം രാജഗോപാല്‍, പി. സഫിര്‍, ജോര്‍ജ്ജ് തച്ചമ്പാറ, മുന്‍ പഞ്ചായത്ത് പ്രസിഡണ്ട് പി പ്രവീണ്‍കുമാര്‍ എന്നിവര്‍ സംസാരിച്ചു.ഗ്രാമ പഞ്ചാ യത്ത് വൈസ് പ്രസിഡന്റ് ഷാജു പഴുക്കാത്തറ സ്വാഗതവും പഞ്ചായ ത്ത് സെക്രട്ടറി ഗിരി പ്രസാദ് നന്ദിയും പറഞ്ഞു.2014ല്‍ പാലക്കാട് ജില്ലാ പഞ്ചായത്ത് ബി ആര്‍ ജി എഫ് ഫണ്ടില്‍നിന്ന് 20 ലക്ഷം രൂപയും സംസ്ഥാന സര്‍ക്കാരിന്റെ 11 ലക്ഷം രൂപയും ലോകബാങ്ക് സഹായത്തില്‍ നിന്ന് 10 ലക്ഷം രൂപയും ഗ്രാമപഞ്ചായത്തിന്റെ 10 ലക്ഷം രൂപയും ഉള്‍പ്പെടെ 51 ലക്ഷം രൂപ ചെലവില്‍ നിര്‍മ്മാണ പ്രവര്‍ത്തനം തുടങ്ങിയ ഈ പദ്ധതിക്ക് നിലവിലുള്ള പഞ്ചായത്ത് ഭരണസമിതി ചുറ്റുമതിലിന് 5 ലക്ഷം രൂപയും ഇലക്ട്രിക്കല്‍ വര്‍ക്കു കള്‍ക്ക് ബ്ലോക്ക് പഞ്ചായത്തിന്റെ 10 ലക്ഷം രൂപയും ഉള്‍പ്പെടെ 15 ലക്ഷം രൂപയും വകയിരുത്തി. തൃശ്ശൂര്‍ കോസ്റ്റ് ഫോര്‍ഡിനായിരുന്നു നിര്‍മ്മാണ ചുമതല.
