അലനല്ലൂര്‍:ക്വാറന്റൈന്‍ കേന്ദ്രമായി പ്രവര്‍ത്തിക്കുന്ന സ്‌കൂളി ന്റെ പാചകപ്പുരയ്ക്ക് തീപിടിച്ച് ഓട് മേഞ്ഞ മേല്‍ക്കൂര പൂര്‍ണ മായും കത്തിയമര്‍ന്നു.ആളപായമില്ല.അലനല്ലൂര്‍ എടത്തനാട്ടുകര നാലുകണ്ടം പികെഎച്ച്എംഒയുപി സ്‌കൂളിന്റെ പാചപ്പുരയിലാണ് അഗ്നിബാധയുണ്ടായത്.ഇവിടെ നിന്ന് തൊട്ടടുത്ത ക്ലാസ് മുറികളുടെ മേല്‍ക്കൂരയിലേക്കും തീപടര്‍ന്നിട്ടുണ്ട്.നാട്ടുകാരും സ്‌കൂള്‍ ജീവന ക്കാരും ചേര്‍ന്നാണ് തീയണച്ചത്.ഇന്ന് രാവിലെ പത്ത് മണിയോടെ ഓഫീസ് അറ്റന്‍ഡര്‍ സ്‌കൂളിലെത്തിയപ്പോഴാണ് സംഭവം അറിയു ന്നത്.
അലനല്ലൂര്‍ പഞ്ചായത്തിന്റെ നേതൃത്വത്തിലുള്ള ക്വാറന്റൈന്‍ കേന്ദ്രമായി പ്രവര്‍ത്തിക്കുന്ന ഇവിടേക്ക് ഇന്ന് പുലര്‍ച്ചെ നാല് മണി യോടെയാണ് ആദ്യത്തെ ആളെ പ്രവേശിപ്പിച്ചത്. സംഭവ ത്തിലെ ദുരൂഹത അന്വേഷിക്കണമെന്നാവശ്യപ്പെട്ട് സ്‌കൂള്‍ പ്രധാന അധ്യാപ കന്‍ നാട്ടുകല്‍ പോലീസില്‍ പരാതി നല്‍കി.അഡീഷണല്‍ എസ്‌ഐ രാഗേഷിന്റെ നേതൃത്വത്തിലുള്ള സംഘം സ്ഥലത്തെത്തി പരിശോധന നടത്തി.ഷോര്‍ട്ട് സര്‍ക്യൂട്ടായിരിക്കാം അഗ്നിബാധയ്ക്ക് കാരണമായതെന്നാണ് നിഗമനം.