കോട്ടോപ്പാടം: മണ്ണാര്‍ക്കാട് ഇസ്ലാമിക് സെന്റര്‍ വുമണ്‍സ് അക്കാ ദമിയില്‍ പഠനാരംഭം സംഘടിപ്പിച്ചു. 2020- 21 അധ്യായന വര്‍ഷത്തി ലേക്ക് അഡ്മിഷന്‍ നേടിയ വിദ്യാര്‍ഥിനികള്‍ക്കാണ് പഠനാരംഭം സംഘടിപ്പിച്ചത്. കോവിഡ് 19 ന്റെ പശ്ചാത്തലത്തില്‍ ഓണ്‍ലൈ നായാണ് പരിപാടി സംഘടിപ്പിച്ചത്. കോട്ടോപ്പാടത്ത് പുതുതായി നിര്‍മ്മിച്ച സ്ഥാപനത്തില്‍ നന്ന ഓണ്‍ലൈന്‍ ടെലികാസ്റ്റിംഗിന്റെ ഉദ്ഘാടനം എസ് കെ എസ് എസ് എഫ് സംസ്ഥാന പ്രസിഡണ്ട് സയ്യിദ് ഹമീദ് അലി ശിഹാബ് തങ്ങള്‍ നിര്‍വഹിച്ചു. മുസ്തഫ അഷ്‌റഫി കക്കുപ്പടി അധ്യക്ഷതവഹിച്ചു.എസ് കെ എസ് എസ് എഫ് സംസ്ഥാന സെക്രട്ടറി സത്താര്‍ പന്തല്ലൂര്‍ മുഖ്യപ്രഭാഷണം നടത്തി. ദാറുല്‍ ഹുദാ വൈസ് ചാന്‍സലര്‍ ഡോക്ടര്‍ ബഹാഉദ്ദീന്‍ നദ്വി, ദാറുല്‍ ഹുദാ സെക്രട്ടറി ശാഫി ഹാജി ചെമ്മാട്, എസ് കെ എസ് എസ് എഫ് പാലക്കാട് ജില്ലാ സെക്രട്ടറി ശമീര്‍ ഫൈസി കോട്ടോപ്പാടം, നാസര്‍ ഫൈസി, ഇബ്രാഹിം ഹാജി തുടങ്ങിയവര്‍ സംസാരിച്ചു . ചടങ്ങില്‍ എസ് കെ എസ് എസ് എഫ് സംസ്ഥാന വൈസ് പ്രസിഡന്റ് ഹബീബ് ഫൈസി കോട്ടോപ്പാടം സ്വാഗതവും ജബ്ബാര്‍ഹാജി നന്ദിയും പറഞ്ഞു. എസ് കെ എസ് എസ് എഫ് സംസ്ഥാന കമ്മിറ്റി വനിതകള്‍ക്കായി സംഘടിപ്പിച്ച ഷീ സ്‌കില്‍ കോഴ്‌സ് പൂര്‍ത്തിയാക്കിയ വര്‍ക്ക്ഉള്ള സര്‍ട്ടിഫിക്കറ്റ് വിതരണത്തിന്റെ ഉദ്ഘാടനവും നടന്നു.