കല്ലടിക്കോട് :പാലക്കയം പത്തായക്കല്ല് ഭാഗത്ത് പുഴയില്‍ ഒഴു ക്കില്‍ പെട്ട് കാണാതായ യുവാവിന്റെ മൃതദേഹം കണ്ടെത്തി. കല്ലടിക്കോട് കാഞ്ഞിരാനി മോഴേനി വീട്ടില്‍ വിജേഷിന്റെ (24) മൃതദേഹമാണ് ഇന്ന് വൈകീട്ട് നാല് മണിയോടെ നാട്ടുകാര്‍ കണ്ടെത്തിയത്.
ഇക്കഴിഞ്ഞ ശനിയാഴ്ചയാണ് സുഹൃത്തുക്കളോടൊപ്പം കുളിക്കാ നിറങ്ങിയ വിജേഷ് ഒഴുക്കില്‍ പെട്ടത്.തുടര്‍ന്ന് അഗ്നിരക്ഷ സേന യും നാട്ടുകാരും ചേര്‍ന്ന് ദിവസങ്ങളോളം തിരച്ചില്‍ നടത്തിയെ ങ്കിലും വിജേഷിനെ കണ്ടെത്താനായിരുന്നില്ല.ഇന്ന് വൈകീട്ട് നാല് മണിയോടെ കാഞ്ഞിരപ്പുഴ ഡാമിന്റെ റിസര്‍വോയറിന് സമീപം ഓടച്ചോല ഭാഗത്തായി മൃതദേഹം പൊന്തുകയായിരുന്നു.
കല്ലടിക്കോട് എസ്‌ഐ ലീലാ ഗോപന്റെ നേതൃത്വത്തിലുള്ള പോലീസ് സംഘം സ്ഥലത്തെത്തി മേല്‍ നടപടികള്‍ സ്വീകരി ച്ചു.മൃതദേഹം പോസ്റ്റ് മാര്‍ട്ടത്തിനായി പാലക്കാട് ജില്ലാ ആശുപ ത്രിയിലേക്ക് മാറ്റി.