അട്ടപ്പാടി: വണ്ണാന്തറ ഊരിലെ മൂപ്പനായ ചിന്ന നഞ്ചനാണ് (70) ആണ് മരിച്ചത്.ഇന്നലെ വൈകീട്ട് ആടിനെ മേയ്ക്കാനായി കാട്ടിലേക്ക് പോ യ മൂപ്പനെ കാണാതായിരുന്നു. മേയ്ക്കാന്‍ വിട്ട ആട് തിരിച്ച് വരാത്ത തിനെ തുടര്‍ന്ന് കാട്ടിലേക്ക് തെരഞ്ഞ് പോയ ചിന്ന നഞ്ചന്‍ കാട്ടാന യുടെ മുന്നില്‍ അകപ്പെടുകയായിരുന്നുവെന്നാണ് അനുമാനം.ഊര് മൂപ്പനെ കാണാതായതിനെ തുടര്‍ന്ന് നാട്ടുകാര്‍ ചേര്‍ന്ന് തിരച്ചില്‍ നടത്തിയിരുന്നു.ഇന്ന് രാവിലെയോടെയാണ് മൃതദേഹം കണ്ടെ ത്തിയത്.
വിവരമറിയിച്ചതിന്റെ അടിസ്ഥാനത്തില്‍ ആര്‍ആര്‍ടി അംഗങ്ങള്‍ സ്ഥലത്തെത്തിയപ്പോള്‍ മൃതദേഹത്തിന് 100 മീറ്റര്‍ അകലെയായി ആനയെ കണ്ടിരുന്നു.അട്ടപ്പാടി റെയ്ഞ്ചര്‍ സുബൈര്‍, ഒമ്മല ഡെപ്യുട്ടി റെയ്ഞ്ചര്‍ ജയചന്ദ്രന്‍,ആര്‍ആര്‍ടി സെക്ഷന്‍ ഫോറസ്റ്റ് ഓഫീസര്‍ ബി ബിനു എന്നിവര്‍ സ്ഥലത്തെത്തിയിരുന്നു.ഷോളയൂര്‍ സിഐ വിനോദ് കൃഷ്ണന്റെ നേതൃത്വത്തില്‍ മൃതദേഹത്തില്‍ ഇന്‍ക്വസ്റ്റ് നടത്തി പോസ്റ്റ് മാര്‍ട്ടത്തിനായി ജില്ലാ ആശുപത്രിയിലേക്ക് മാറ്റി.