അലനല്ലൂര്‍ :പ്രമുഖ സൂഫിവര്യന്‍ കമ്മുസൂഫി (റ) യുടെആണ്ട് നേര്‍ച്ചക്ക് തുടക്കമായി. രാവിലെ 6 മണിക്ക് ഖതമുല്‍ ഖുര്‍ആനോടെ പരിപാടികള്‍ ആരംഭിച്ചു.പാണക്കാട് സയ്യിദ് ഹമീദലി ശിഹാബ് തങ്ങള്‍ പരിപാടി ഉദ്ഘാടനം ചെയ്തു.ലോകം ഇന്ന് അഭിമുഖീകരി ക്കുന്ന പ്രശ്‌നങ്ങള്‍ക്കുള്ള പരിഹാര മാര്‍ഗം വിശുദ്ധരുടെ മാര്‍ഗം സ്വീകരിക്കലാണെന്ന് അദ്ദേഹം പറഞ്ഞു.മഹല്ല് ഖാസി ശുക്കൂര്‍ മദനി, ഒ.കെ.എം മൗലവി, ആനമങ്ങാട് മുഹമ്മദ് കുട്ടി ഫൈസി ഒണ്‍ലൈനില്‍ സംസാരിച്ചു. വൈകീട്ട് നടന്ന കല്ലൂര്‍ ഉസ്താദ് അനു സ്മരണം മുസ്തഫ അശ്റഫി കക്കുപ്പടി ഉദ്ഘാടനം ചെയ്തു. അബ്ദു ശുക്കൂര്‍ മദനി അമ്മിനിക്കാട് പ്രഭാഷണം നടത്തി. മൊയ്തീന്‍ മുസ്ലി യാര്‍, ഹംസ ഹാജി കൊങ്ങത്ത്, ടി.ടി മുസ്തഫ മുസ്ലിയാര്‍, മുഹമ്മദലി (കുഞ്ഞാപ്പുട്ടി), അബ്ദു മാസ്റ്റര്‍, ബക്കര്‍ ദാരിമി, ഹംസ മുസ്ലിയാര്‍ ഉമ്മര്‍ (മുത്തുപ്പ), മുഹമ്മദലി മുസ്ലിയാര്‍ എന്നിവര്‍ സംബന്ധിച്ചു. നാളെ രാത്രി ഏഴിന് നടക്കുന്ന സ്വാലത്ത് മജ്‌ലിസിന് ശുക്കൂര്‍ മദനി അമ്മിനിക്കാട് നേതൃത്വം നല്‍കി.
