മണ്ണാര്‍ക്കാട് : ഓണ്‍ലൈന്‍ ക്ലാസിലെ അപാകതകള്‍ പരിഹരിക്കുക, പാഠ പുസ്തക വിതരണം പൂര്‍ത്തീകരിക്കുക എന്നീ ആവശ്യങ്ങള്‍ ഉന്നയിച്ച് എംഎസ്എഫ് മണ്ണാര്‍ക്കാട് നിയോജക മണ്ഡലം കമ്മിറ്റി മണ്ണാര്‍ക്കാട് ജില്ലാ വിദ്യഭ്യാസ ഓഫീസിലേക്ക് മാര്‍ച്ച് സംഘടിപ്പിച്ചു. മുസ്ലിം യൂത്ത് ലീഗ് ജില്ലാ പ്രസിഡണ്ട് ഗഫൂര്‍ കോല്‍ക്കളത്തില്‍ ഉദ്ഘാടനം ചെയ്തു.
എം.എസ്.എഫ് നിയോജക മണ്ഡലം പ്രസിഡണ്ട് മനാഫ് കോട്ടോപ്പാ ടം അധ്യക്ഷത വഹിച്ചു. സംസ്ഥാന വൈസ് പ്രസിഡണ്ട് ഷറഫുദ്ദീന്‍ പിലാക്കല്‍ മുഖ്യ പ്രഭാഷണം നടത്തി. ശമീര്‍ പഴേരി, ബിലാല്‍ മുഹ മ്മദ്, അജ്മല്‍ റാഫി, കെ.യു ഹംസ, റഹീസ് എടത്തനാട്ടുകര സജീര്‍ ചങ്ങലീരി, ഉനൈസ് കൊമ്പം, മുഹ്‌സിന്‍ ചങ്ങലീരി, റിജാസ് തെങ്കര, ജാബിര്‍ മണ്ണാര്‍ക്കാട്, സഫ്വാന്‍ തെങ്കര, ആദില്‍, റഹീസ്, റാഷിഖ് കൊങ്ങത്ത്, അഫ്‌സല്‍ കൊറ്റാരയില്‍, അല്‍ത്താഫ് മല്ലി തുടങ്ങിയവര്‍ സംബന്ധിച്ചു.