പാലക്കാട്:ജില്ലയിലെ പാഠ്യ-പാഠ്യാനുബന്ധ പ്രവര്‍ത്തനങ്ങളിലും വിവിധ ജില്ലാ -സംസ്ഥാന മേളകളുടെ വിജയപ്രദമായ സംഘാടന ത്തിലും ക്രിയാത്മക പങ്കുവഹിച്ച് ഔദ്യോഗിക സേവനത്തില്‍ നിന്ന് വിരമിച്ച അധ്യാപക സംഘടനാ നേതാക്കളായ കെ.ഭാസ്‌കരന്‍, കെ. എ.ശിവദാസന്‍ എന്നിവര്‍ക്ക് ജില്ലാ ക്യു.ഐ.പി അധ്യാപക സംഘ ടനാ കൂട്ടായ്മയുടെ സ്‌നേഹാദരം.ഗവ.മോയന്‍ എല്‍.പി സ്‌കൂളില്‍ കോവിഡ് നിയന്ത്രണങ്ങള്‍ക്ക് വിധേയമായി സംഘടിപ്പിച്ച സ്‌നേ ഹാദര ചടങ്ങ്വിദ്യാഭ്യാസ ഉപഡയറക്ടര്‍ പി. കൃഷ്ണന്‍ ഉദ്ഘാടനം ചെയ്തു.ഷാജി എസ്.തെക്കേതില്‍ അധ്യക്ഷനായി.വിവിധ അധ്യാപക സംഘടനാ നേതാക്കളായ ടി.ജയപ്രകാശ്, എം.എ.അരുണ്‍ കുമാര്‍, കരീം പടുകുണ്ടില്‍,ഹമീദ് കൊമ്പത്ത്,എ.ജെ.ശ്രീനി,എം.എന്‍. വിനോദ്,സതീശ് മോന്‍, എം.വിജയരാഘ വന്‍,പി.സിദ്ദീഖ്, ടി.നാസര്‍, മേളകളുടെ നോഡല്‍ ഓഫീസര്‍ പി.തങ്കപ്പന്‍,ജില്ലാ സ്‌പോര്‍ട്‌സ് കോ-ഓര്‍ഡിനേറ്റര്‍ ജിജി ജോസഫ്, കെ.ഭാസ്‌കരന്‍, ഇ.ധീരജ് തുടങ്ങിയവര്‍ സംസാരിച്ചു.