എടത്തനാട്ടുകര : കൈരളി -ചുണ്ടോട്ടുകുന്ന്,മുറിയക്കണ്ണി ഡി. വൈ. എഫ്. ഐ. യൂണിറ്റുകളുടെ സംയുക്താഭിമുമുഖ്യത്തില്‍ ചുണ്ടോട്ടു കുന്ന് മുതല്‍ മുറിയക്കണ്ണി വരെയുള്ള രണ്ട് കിലോമീറ്റര്‍ ദൂരം റോഡിനിരുവശവും കാടുവെട്ടിത്തെളിച്ചും കുഴികള്‍ മണ്ണിട്ടു മൂടിയും വൃത്തിയാക്കി.നിരവധി വാഹനങ്ങള്‍ സഞ്ചരിക്കുന്ന ഈ റോഡിലേക്ക് നിരവധി വലിയ മരക്കൊമ്പുകള്‍ തൂങ്ങി നില്‍ക്കുന്ന തിനാല്‍ രണ്ടു വാഹനങ്ങള്‍ ഒരുമിച്ച് വന്നാല്‍ അരുകൊരുക്കി കൊടുക്കാന്‍ പോലും കഴിയാത്ത അവസ്ഥയിലായിരുന്നു.ഈ സാഹ ചര്യത്തിലാണ് യുവാക്കള്‍ രംഗത്തിറങ്ങിയത്.നിസാര്‍ കൈരളി, അര്‍ഷാദ് ചാച്ചിപ്പാടന്‍, ഫര്‍ഹാന്‍ മലയില്‍, ബിലാല്‍, സജീര്‍, അനീഷ് ആഷിഖ്, അബ്ബാസ് കൊങ്ങത്ത്, യൂസുഫ് പുല്ലിക്കുന്നന്‍ എന്നിവര്‍ നേതൃത്വം നല്‍കി.