അലനല്ലൂര്‍:ലോക പരിസ്ഥിതി ദിനത്തോടനുബന്ധിച്ച് ബിജെപി എസ് സി മോര്‍ച്ചാ മണ്ണാര്‍ക്കാട് നിയോജക മണ്ഡലം കമ്മറ്റിയുടെ നേതൃത്വത്തില്‍ വൃക്ഷതൈ വിതരണം, നടീല്‍ എന്നിവ സംഘടി പ്പിച്ചു. നിയോജക മണ്ഡലം തല ഉദ്ഘാടനം അലനല്ലൂര്‍ വെള്ളത്തോ ണ്ടി കോളനിയില്‍ ചെട്ടിയാംതൊടി ചാത്തന്‍ എന്ന മുതിര്‍ന്ന കര്‍ഷകന് വൃക്ഷ തൈ നല്‍കി എസ് സി മോര്‍ച്ചാ ജില്ലാ സെക്രട്ടറി സി ഹരിദാസ് ഉദ്ഘാടനം ചെയ്തു.മണ്ഡലം ജനറല്‍ സെക്രട്ടറി പികെ രതീഷ് അധ്യക്ഷത വഹിച്ചു. ബിജെപി അലനല്ലൂര്‍ ഏരിയാ കമ്മറ്റി പ്രസിഡന്റ് പി വിപിന്‍ദാസ്, എന്‍ ഹരികൃഷ്ണന്‍ എന്നിവര്‍ പങ്കെടുത്തു.