കുമരംപുത്തൂര്‍:പഞ്ചായത്തിലെ കാരാപ്പാടം ആദിവാസി കോളനി യിലെ വിദ്യാര്‍ഥികള്‍ക്ക് പഠനം മുടങ്ങാതിരിക്കാന്‍ ഡിവൈ എഫ്‌ഐ റീസൈക്കിള്‍ കേരള ക്യാമ്പയിന്റെ ഭാഗമായി ലഭിച്ച ടിവി എത്തിച്ച് നല്‍കി. ഡിവൈഎഫ്‌ഐ നേതാക്കളില്‍ നിന്നും ഊരിലെ വെളുപ്പന്‍ മൂപ്പന്‍ ടിവി ഏറ്റുവാങ്ങി. ഡിവൈഎഫ്‌ഐ മ്ണ്ണാര്‍ക്കാട് ബ്ലോക്ക് പ്രസിഡണ്ട് ശ്രീരാജ് വെള്ളപ്പാടം, മേഖലാ സെക്രട്ടറി മുഹമ്മദ് ഷനൂപ്,മേഖലാ പ്രസിഡണ്ട് അനൂപ്, ട്രഷറര്‍ അഖില്‍,വൈസ് പ്രസിഡണ്ട് ജമാല്‍, പഞ്ചായത്ത് മെമ്പര്‍ ജോസ് കൊല്ലിയില്‍ എന്നിവര്‍ പങ്കെടുത്തു. ഡിവൈഎഫ്‌ഐയുടെ ടിവി ചലഞ്ച് ഏറ്റെടുത്ത് ഇവിടുത്തെ ഊരിലെ കുട്ടികള്‍ക്കായി കെഎസ്ഇബി റിട്ടയേര്‍ഡ് എക്‌സി.എഞ്ചിനീയര്‍ രാജനാണ് ടിവി നല്‍കിയത്.