കാഞ്ഞിരപ്പുഴ: കളഞ്ഞ് കിട്ടിയ പണമടങ്ങിയ പേഴ്‌സ് ഉടമയ്ക്ക് തിരികെ നല്‍കി യുവാവ് മാതൃകയായി.പാലക്കയത്ത് വാച്ച് റിപ്പയര്‍ കട നടത്തുന്ന അമ്പലക്കുന്ന് സ്വദേശി രമേഷാണ് തനിക്ക് വഴിയില്‍ നിന്നും വീണ് കിട്ടിയ പഴ്‌സ് ഉടമസ്ഥനെ കണ്ടെത്തി തിരികെ നല്‍ കിയത്.കഴിഞ്ഞ രാത്രിയിലാണ് കാഞ്ഞിരപ്പുഴ കല്ലാംകുഴി വഴി മണ്ണാര്‍ക്കാട്ടേക്കുള്ള യാത്രാ മധ്യേ കോട്ടോപ്പാടം ആര്യമ്പാവ് സ്വദേ ശി കുന്നത്ത് ഷിഹാബലിയുടെ പേഴ്‌സ് നഷ്ടപ്പെട്ടത്.ഇത് സംബന്ധിച്ച് അണ്‍വെയ്ല്‍ ന്യൂസര്‍ ഷിഹാബലിയുടെ നമ്പര്‍ സഹിതം വാര്‍ത്ത അറിയിപ്പായി നല്‍കുകയും ചെയ്തിരുന്നു.ഒരു മണിക്കൂറിനകം തന്നെ പേഴ്‌സ് കണ്ട് കിട്ടിയിട്ടുള്ളതായി രമേഷ് ഷിഹാ ബിനെ അറിയിക്കുകയായിരുന്നു.ഇന്ന് പേഴ്‌സ് രമേഷ് ഷിഹാബിനെ ഏല്‍പ്പിച്ചു.