കോട്ടോപ്പാടം:പുറ്റാനിക്കാട് സന്തോഷ് ലൈബ്രറി ആന്റ് റിക്രി യേഷന്‍ സെന്ററിന്റെ ആഭിമുഖ്യത്തില്‍ നടത്തിയ മെഗാ ഓണ്‍ ലൈന്‍ പത്ര ക്വിസ് മത്സരത്തില്‍ വിജയികളെ തെരഞ്ഞെടുത്തു. മഞ്ജു ഹരിദാസ്.കെ.,അനില വിപിന്‍, എന്നിവര്‍ യഥാക്രമംഒന്നും രണ്ടും സ്ഥാനം നേടി.സംഗീത്.കെ.,ശരത്. സി.എന്നിവര്‍ മൂന്നാം സ്ഥാനംകരസ്ഥമാക്കി.ക്വിസ് മത്സരം സാഹിത്യകാരന്‍ കെപിഎസ് പയ്യനെടം ഉദ്ഘാടനം ചെയ്തു.പ്രതിദിന ക്വിസ് മത്സരത്തിന് ലൈബ്രറി സെക്രട്ടറിയായ എം ചന്ദ്രദാസനും മെഗാ ക്വിസ് മത്സരത്തിന് എം മുര്‍ഷിദും നേതൃത്വം നല്‍കി. ലൈ ബ്രറി പ്രസിഡന്റ് സി മൊയ്തീന്‍ കുട്ടി വിജയികളെ അനുമോദിച്ച് സംസാരിച്ചു.ഏപ്രില്‍ മുതല്‍ മെയ് 12 വരെയുള്ള പത്ര വാര്‍ത്തകളെ ആധാരമാക്കിയാണ് മത്സരം നടത്തിയത്.മെയ് മാസം 10 ദിവസം പത്രവാര്‍ത്തകളുമായി ബന്ധപ്പെട്ട് ഓണ്‍ലൈന്‍ പത്രക്വിസ് എല്ലാ ദിവസവും രാത്രി ഒമ്പത് മണിക്കാണ് നടത്തിയത്.സര്‍ഗ പരിപാടി കള്‍ക്കായി ക്ലബ്ബ് രൂപീകരിച്ച വിജ്ഞാനം കൈക്കുമ്പിളില്‍ എന്ന ഗ്രൂപ്പില്‍ നൂറിലേറെ അംഗങ്ങളുണ്ട്.