മണ്ണാര്ക്കാട്: സംസ്ഥാനത്ത് കഠിനമായ ചൂട് തുടരുന്നതിനിടെ പാലക്കാട് ഉള്പ്പടെ പതിനൊന്ന് ജില്ലകള്ക്ക് കേന്ദ്ര കാലാവസ്ഥാ വകുപ്പ് ഉയര്ന്ന താപനില മുന്നറിയിപ്പ് പുറപ്പെടുവിച്ചു. ഇന്നും നാളെയും പാലക്കാട് ജില്ലയില് താപനില 40 ഡിഗ്രി സെല്ഷ്യസ് വരെ ഉയരാന് സാധ്യതയുണ്ട്. കൊല്ലം ജില്ലയില് 39 ഡിഗ്രി വരെയും കോട്ടയത്ത് 38 ഡിഗ്രി വരെയും താപനില ഉയര്ന്നേക്കാം. ആലപ്പുഴ, പത്തനംതിട്ട, എറണാകുളം, തൃശൂ ര്, മലപ്പുറം, കോഴിക്കോട്, കണ്ണൂര്, കാസറഗോഡ് ജില്ലകളില് 37 ഡിഗ്രി വരെയും തിരു വനന്തപുരത്ത് 36 ഡിഗ്രി വരെയുമാണ് താപനില ഉയരാന് സാധ്യത. ഉയര്ന്ന താപനില യും വായുവിലെ ഈര്പ്പവും കാരണം മലയോര മേഖലകളിലൊഴികെ വരും ദിവസങ്ങ ളില് ചൂടും അസ്വസ്ഥതയുമുള്ള കാലാവസ്ഥ അനുഭവപ്പെടാന് സാധ്യതയുള്ളതിനാല് പൊതുജനങ്ങള് അതീവ ജാഗ്രത പാലിക്കണമെന്ന് സംസ്ഥാന ദുരന്ത നിവാരണ അതോ റിറ്റി നിര്ദ്ദേശിച്ചു.
സൂര്യാഘാതം, സൂര്യാതപം, നിര്ജലീകരണം തുടങ്ങിയ ആരോഗ്യപ്രശ്നങ്ങള് തടയുന്ന തിനായി പകല് 11 മണി മുതല് 3 മണി വരെയുള്ള സമയത്ത് നേരിട്ട് വെയിലേല്ക്കു ന്നത് പരമാവധി ഒഴിവാക്കേണ്ടതാണ്. ദാഹമില്ലെങ്കിലും ധാരാളം ശുദ്ധജലം കുടിക്കാന് ശ്രദ്ധിക്കണം. നിര്ജലീകരണമുണ്ടാക്കുന്ന മദ്യം, കാപ്പി, ചായ, കാര്ബണേറ്റഡ് സോഫ്റ്റ് ഡ്രിങ്കുകള് എന്നിവ പകല് സമയത്ത് ഒഴിവാക്കുന്നത് ഉചിതമായിരിക്കും. അയഞ്ഞ, ഇളം നിറത്തിലുള്ള കോട്ടണ് വസ്ത്രങ്ങളും പാദരക്ഷകളും ധരിക്കാന് ശ്രദ്ധിക്കുക. പുറത്തിറങ്ങുമ്പോള് കുടയോ തൊപ്പിയോ ഉപയോഗിക്കണം. പഴങ്ങളും പച്ചക്കറികളും ധാരാളമായി ഭക്ഷണത്തില് ഉള്പ്പെടുത്തുന്നതിനൊപ്പം ഒ.ആര്.എസ് ലായനി, സംഭാരം എന്നിവയുടെ ഉപയോഗം പ്രോത്സാഹിപ്പിക്കുകയും വേണം.
ചൂട് കൂടുന്ന സാഹചര്യത്തില് മാര്ക്കറ്റുകള്, മാലിന്യ നിക്ഷേപ കേന്ദ്രങ്ങള് തുടങ്ങിയ ഇടങ്ങളില് തീപിടുത്ത സാധ്യതയുള്ളതിനാല് ഫയര് ഓഡിറ്റും സുരക്ഷാ മുന്കരുതലുകളും കര്ശനമാക്കണം. കാട്ടുതീ വ്യാപിക്കാന് സാധ്യതയുള്ളതിനാല് വനമേഖലയോട് ചേര്ന്ന് താമസിക്കുന്നവരും വിനോദസഞ്ചാരികളും പ്രത്യേക ജാഗ്രത പുലര്ത്തണം. കിടപ്പുരോഗികള്, പ്രായമായവര്, ഗര്ഭിണികള്, കുട്ടികള് എന്നിവര് ഉച്ചസമയത്ത് വെയിലേല്ക്കാതിരിക്കാന് പ്രത്യേകം ശ്രദ്ധിക്കണം.
നിര്മ്മാണത്തൊഴിലാളികള്, കര്ഷകത്തൊഴിലാളികള്, വഴിയോര കച്ചവടക്കാര് എന്നിവര് ജോലി സമയം ക്രമീകരിക്കേണ്ടതാണ്. ഓണ്ലൈന് ഭക്ഷണ വിതരണം നടത്തുന്നവര്ക്കും മാധ്യമപ്രവര്ത്തകര്ക്കും പോലീസ് ഉദ്യോഗസ്ഥര്ക്കും സ്ഥാപന ങ്ങള് മതിയായ സുരക്ഷയും കുടിവെള്ളവും ഉറപ്പാക്കണം. കന്നുകാലികളെ വെയില ത്ത് മേയാന് വിടുന്നതും വളര്ത്തുമൃഗങ്ങളെ വെയിലത്ത് കെട്ടിയിടുന്നതും ഒഴിവാക്ക ണം. മൃഗങ്ങള്ക്കും പക്ഷികള്ക്കും ജലലഭ്യത ഉറപ്പാക്കാന് ശ്രദ്ധിക്കണം. ജലം പാഴാ ക്കാതെ ഉപയോഗിക്കണമെന്നും ശാരീരിക അസ്വസ്ഥതകള് അനുഭവപ്പെട്ടാല് ഉടന് വൈദ്യസഹായം തേടണമെന്നും ഔദ്യോഗിക അറിയിപ്പില് പറയുന്നു.
.
About the Author
