പാലക്കാട്: ‘സ്ത്രീകളുടെ രാത്രി യാത്ര സുരക്ഷ’ എന്ന വിഷയത്തില് സംസ്ഥാന വനിത കമ്മീഷന്റെ ആഭിമുഖ്യത്തില് പാലക്കാട് ലുലു മാളിലെ ജീവനക്കാര്ക്കായി പ്രത്യേക ബോധവല്ക്കരണ പരിപാടി സംഘടിപ്പിച്ചു.ലുലു മാള് കോണ്ഫറന്സ് ഹാളില് വനിതാ കമ്മീഷന് അംഗം വി.ആര് മഹിളാമണി പരിപാടി ഉദ്ഘാടനം ചെയ്തു. കേരള ത്തില് രാത്രിയാത്രകളില് സ്ത്രീകള് നേരിടുന്ന ബുദ്ധിമുട്ടുകള് നേരിട്ട് മനസ്സിലാക്കി പരിഹാര നിര്ദ്ദേശങ്ങള് സര്ക്കാരിലേക്ക് സമര്പ്പിക്കുന്നതിന്റെ ഭാഗമായാണ് പരിപാ ടി.ഇതിനായി സംസ്ഥാന വ്യാപകമായി കമ്മീഷന് കാംപെയിനുകള് നടത്തുന്നുണ്ട്. കണ്ണാടി ഗ്രാമപഞ്ചായത്ത് പ്രസിഡന്റ് രാകേഷ് അധ്യക്ഷനായി. വനിതാ പൊലിസ് സ്റ്റേഷന് സബ് ഇന്സ്പെക്ടര് സി.ഐശ്വര്യ വിഷയാവതരണം നടത്തി. ലുലു മാള് എച്ച്. ആര് മാനേജര് ജി.രാകേഷ്, ട്രെയിനിങ് ആന്ഡ് ഡെവലപ്മെന്റ് മാനേജര് അരുണ് ഗോകുല് എന്നിവര് സംസാരിച്ചു.
About the Author
