മണ്ണാര്ക്കാട്:കേരളത്തിന്റെ പൊതുവിദ്യാഭ്യാസ മേഖലയിലെ ഡിജിറ്റല് മുന്നേറ്റങ്ങ ള്ക്ക് ചുക്കാന് പിടിക്കുന്ന കേരള ഇന്ഫ്രാസ്ട്രക്ച്ചര് ആന്ഡ് ടെക്നോളജി ഫോര് എഡ്യൂക്കേഷന് (കൈറ്റ്) വീണ്ടും ദേശീയ തലത്തില് തിളക്കമാര്ന്ന അംഗീകാരം. ഡല്ഹിയില് നടന്ന ‘ഗവേണന്സ് നൗ’ ആറാമത് ഡിജിറ്റല് ട്രാന്സ്ഫോര്മേഷന് സമ്മിറ്റില് കൈറ്റിന്റെ ‘സമഗ്ര പ്ലസ്’ എ.ഐ. പ്ലാറ്റ്ഫോമിനാണ് പുരസ്കാരം ലഭിച്ചത്. ഇ-ലേണിംഗ്, അസസ്മെന്റ്, ഡിജിറ്റല് എഡ്യൂക്കേഷന് പ്ലാറ്റ്ഫോം എന്നീ മേഖലകളി ലെ മികവിനാണ് ഈ നേട്ടം.
ന്യൂഡല്ഹിയിലെ നെഹ്റു പ്ലേസ് ഹോട്ടല് ഇറോസില് നടന്ന ചടങ്ങില് പുരസ്കാരം സമ്മാനിച്ചു.കുട്ടികള്ക്ക് ഓരോരുത്തര്ക്കും അവരുടെ പഠനനിലവാരത്തിനനുസരിച്ച് പഠനം ക്രമീകരിക്കുന്നതിന് സഹായിക്കുന്ന നൂതന എ.ഐ. പ്ലാറ്റ്ഫോമാണ് ‘സമഗ്ര പ്ലസ് ‘എ.ഐ. ഇതിനായി ചാറ്റ് ബോട്ട് സംവിധാനം, ക്വിസ്, ഇംഗ്ലീഷ് ഭാഷയുമായി ബന്ധപ്പെട്ട വിവിധ കളികള്, സ്പീച്ച് അസിസ്റ്റന്റ്, പ്രത്യേക വിലയിരുത്തല് സംവിധാനങ്ങള് തുടങ്ങിയ വിവിധ മൊഡ്യൂളുകള് പ്ലാറ്റ്ഫോമില് ഉള്പ്പെടുത്തിയിട്ടുണ്ട്. നിര്മിതബുദ്ധി സാങ്കേതികവിദ്യയുടെ അല്ഗോരിതം പക്ഷപാതങ്ങളെക്കുറിച്ചുള്ള ആശങ്കകള് പൂര്ണ്ണമായും ഒഴിവാക്കി, കരിക്കുലം ചട്ടക്കൂടിനകത്ത് നിന്നുകൊണ്ടാണ് ഈ എ.ഐ പ്ലാറ്റ്ഫോം വികസിപ്പിച്ചിട്ടുള്ളതെന്ന് കൈറ്റ് സി.ഇ.ഒ. കെ.അന്വര് സാദത്ത് പറഞ്ഞു.
സമഗ്ര പ്ലസ് എ.ഐ. പ്ലാറ്റ്ഫോമിന് തുടര്ച്ചയായി ലഭിക്കുന്ന രണ്ടാമത്തെ പ്രധാന ദേശീയ പുരസ്കാരമാണിത്. 2025 ഡിസംബര് ഭുവനേശ്വറില് നടന്ന 19-ാമത് ഡിജിറ്റല് ട്രാന്സ്ഫോര്മേഷന് കോണ്ക്ലേവില് ‘എഡ്യൂക്കേഷന് ടെക്നോളജി ട്രാന്സ്ഫോര് മേഷന് അവാര്ഡും’ ഇതേ പ്ലാറ്റ്ഫോമിന് ലഭിച്ചിരുന്നു.
About the Author
