ഹൈസ്കൂള് വിദ്യാര്ഥികള്ക്ക് പ്രത്യേകപിന്തുണ
പാലക്കാട്: ജില്ലയിലെ പൊതുവിദ്യാഭ്യാസ മേഖലയില് സമഗ്രമായ മുന്നേറ്റം ലക്ഷ്യമിട്ട് പൊതുവിദ്യാഭ്യാസ വകുപ്പും സമഗ്ര ശിക്ഷാ കേരളയും സംയുക്തമായി നടപ്പാക്കുന്ന ‘സമഗ്ര ഗുണമേന്മ വിദ്യാഭ്യാസ പദ്ധതി’ക്ക് ജില്ലയില് തുടക്കമായി.ഗണിതം, മലയാളം, ഇംഗ്ലീഷ് വിഷയങ്ങളില് സംസ്ഥാനതലത്തില് രൂപപ്പെടുത്തിയെടുത്ത പ്രത്യേക പാ ക്കേജിലൂടെ കുട്ടികളുടെ അടിസ്ഥാന ശേഷികള് വര്ധിപ്പിക്കുകയാണ് പദ്ധതിയു ടെ ലക്ഷ്യം. ഇതിലൂടെ കുട്ടികളില് പഠനപരമായ ആത്മവിശ്വാസം വളര്ത്തുകയും അവ രെ പ്രധാന അക്കാദമിക് പ്രവര്ത്തനങ്ങളുടെ ഭാഗമാക്കുകയും ചെയ്യും.
കഴിഞ്ഞ വര്ഷങ്ങളില് പ്രൈമറി ക്ലാസുകളില് നടപ്പിലാക്കിയ വിജയകരമായ പ്രവര് ത്തനങ്ങളുടെ തുടര്ച്ചയായി, ഈ വര്ഷം ഹൈസ്കൂള് മേഖലയിലെ 8, 9 ക്ലാസുകളിലെ കുട്ടികള്ക്കായാണ് പ്രത്യേക പിന്തുണ സംവിധാനം ഒരുക്കുന്നത്. മുണ്ടൂര് ഐ.ആര്.ടി. സി ഹാളില് നടന്ന അധ്യാപക ശില്പശാലയോടെയാണ് പദ്ധതിയുടെ ജില്ലാതല പ്രവര് ത്തനങ്ങള് ആരംഭിച്ചത്.പദ്ധതിയുടെ ഭാഗമായി വരും ദിവസങ്ങളില് എസ്.എസ്.കെ പ്രോഗ്രാം ഓഫിസര്മാര്, ബ്ലോക്ക് പ്രോജക്ട് കോ-ഓര്ഡിനേറ്റര്മാര്, ട്രെയിനര്മാര്, ക്ല സ്റ്റര് കോ-ഓര്ഡിനേറ്റര്മാര് എന്നിവരടങ്ങുന്ന സംഘം ജില്ലയിലെ വിവിധ സ്കൂളുകളി ല് നേരിട്ടെത്തി പരിശീലനം നല്കും.
ജില്ലാതല ഉദ്ഘാടനം സമഗ്ര ശിക്ഷാ കേരള പാലക്കാട് ജില്ലാ പ്രോജക്ട് കോ-ഓര്ഡിനേ റ്റര് എം.കെ നൗഷാദലി നിര്വഹിച്ചു.വിദ്യാകിരണം ജില്ലാ കോ-ഓര്ഡിനേറ്റര് കെ.എം കൃഷ്ണകുമാര് അധ്യക്ഷനായി. ഐ.ടി. അറ്റ് സ്കൂള് ജില്ലാ കോ-ഓര്ഡിനേറ്റര് സിന്ധു, എസ്.ആര്.ജി അംഗം പ്രവീണ്, വിവിധ ബ്ലോക്ക് പ്രോജക്ട് കോ-ഓര്ഡിനേറ്റര്മാര്, ട്രെയി നര്മാര്, സി.ആര്.സി.സി അധ്യാപകര് എന്നിവര് പങ്കെടുത്തു.
About the Author
