തൃത്താല:സംരംഭകത്വത്തിന്റെ വിജയ കഥയുമായാണ് അട്ടപ്പാടി ആദിവാസി കരു വാര ഉന്നതിയില് നിന്നും കുടുംബശ്രീ സരിത യൂണിറ്റ് അംഗങ്ങള് ചാലിശ്ശേരി യില് നടക്കുന്ന ദേശീയ സരസ് മേളയില് എത്തിയിട്ടുള്ളത്.കുടുംബശ്രീയുടെ സഹായ ത്തോടെ വീട്ടില് തന്നെ സംരംഭം തുടങ്ങി സ്വന്തമായി വരുമാനം കണ്ടെത്തിയവരാണ് സരിത യൂണിറ്റിലെ സുമ പുഷ്പ ,വിജി ,രേണുക എന്നിവര്.വരഗ്, ചാമ, തിന, റാഗി, മണിച്ചോളം തുടങ്ങിയ ഉല്പ്പന്നങ്ങളാണ് മേളയിലെ 19-ാം നമ്പര് സ്റ്റാളില് ഇവര് വിപണനം ചെയ്യുന്നത്.
ഒന്നുമില്ലായ്മയില് നിന്ന് സംരംഭകരായി ഉയര്ന്ന് സ്വയംപര്യാപ്തത നേടി നാടിന് മാതൃക തീര്ക്കുന്നു എന്നാണ് ഇവരുടെ പ്രത്യേകത.ആദിവാസി സമഗ്ര വികസന പദ്ധതിയുടെ ഭാഗമായി കുടുംബശ്രീയുടെ സഹായത്തോടെ ആരംഭിച്ച ഈ സംരംഭത്തിലൂടെ ഇവര് ക്ക് ഒരു മാസം അയ്യായിരം രൂപത്തിയിലധികം ലാഭമുണ്ടാക്കാന് കഴിയുന്നുണ്ട്. അട്ട പ്പാടിയിലെ ആദിവാസി ഉന്നതികളില് ആളുകള് ശേഖരിക്കുന്ന കാട്ടുകുന്തിരിക്കം സ്റ്റാളിലെ മുഖ്യ ആകര്ഷണമാണ്. ഇത് കൂടാതെ ഇവര് സ്വന്തമായി കൃഷി ചെയ്ത കുരു മുളക്, കാപ്പി, മഞ്ഞള്, ഇഞ്ചി എന്നിവയുടെ പൊടികളും സ്റ്റാളിലുണ്ട്.
ഒരു ദിവസം നിരവധി ഉല്പന്നങ്ങളാണ് അട്ടപ്പാടി സ്റ്റാളുകളില് നിന്ന് വിറ്റ് പോകുന്നത്. പ്രമേഹ രോഗികള്ക്ക് ഉപകാര പ്രദമായ ട്രൂ സ്പയ്സ് ഉല്പന്നത്തിനും മേളയില്വലിയ ഡിമാന്ഡാണ്. കമ്പ്, റാഗി, മണിച്ചോളം മുളപ്പിച്ചത് പൊടിച്ചുണ്ടാകുന്ന ഒരു പോഷ കാഹാരം കൂടിയാണിത്. കുക്കീസ് മില്ലറ്റ് ബിസ്ക്കറ്റ് എന്നിവയും ലഭ്യമാണ്.
About the Author
