മണ്ണാര്ക്കാട്: തദ്ദേശസ്വയംഭരണ തെരഞ്ഞെടുപ്പില് മത്സരിക്കുന്നതിനുവേണ്ടി സമര് പ്പിച്ചിട്ടുള്ള നാമനിര്ദേശപത്രികകളുടെ സൂക്ഷ്മപരിശോധന നാളെ രാവിലെ 10 മുതല് ആരംഭിക്കും.ബന്ധപ്പെട്ട വരണാധികാരികളാണ് നാമനിര്ദേശപത്രികകളുടെ സൂക്ഷ്മ പരിശോധന നടത്തുക.സൂക്ഷ്മ പരിശോധനാ വേളയില് സ്ഥാനാര്ഥിക്കൊപ്പം തെര ഞ്ഞെടുപ്പ് ഏജന്റ്, നിര്ദേശകന് എന്നിവര്ക്കു പുറമേ സ്ഥാനാര്ഥി എഴുതി നല്കുന്ന ഒരാള്ക്കുകൂടി വരണാധികാരിയുടെ മുറിയിലേക്ക് പ്രവേശനം അനുവദിക്കും.സൂക്ഷ്മ പരിശോധനാ സമയം എല്ലാ സ്ഥാനാര്ഥികളുടേയും പത്രികകള് പരിശോധിക്കുന്നതി നുള്ള സൗകര്യം ഇവര്ക്ക് ലഭിക്കും.പരിശോധനയ്ക്കായി നിശ്ചയിച്ച ദിവസവുമായി ബന്ധപ്പെടുത്തിയാണ് ഒരു സ്ഥാനാര്ഥിയുടെ യോഗ്യതയും അയോഗ്യതയും പരിശോ ധിക്കുന്നത്.എന്നാല് നാമനിര്ദ്ദേശപത്രിക സമര്പ്പിക്കുന്ന ദിവസം സ്ഥാനാര്ഥിക്ക് 21 വയസ്സ് പൂര്ത്തിയായിരിക്കണം.ഇന്ന് വൈകുന്നേരം 3 മണി വരെ ലഭിച്ചിട്ടുള്ള എല്ലാ നാമനിര്ദ്ദേശപത്രികകളും ഓരോന്നായി സൂക്ഷ്മപരിശോധന നടത്തും. ഒരു സ്ഥാനാ ര്ഥിയോ അഥവാ സ്ഥാനാര്ഥിക്കു വേണ്ടിയോ ഒന്നിലധികം പത്രിക സമര്പ്പിച്ചിട്ടുണ്ടെ ങ്കില് അവയെല്ലാം ഒരുമിച്ചെടുത്തായിരിക്കും സൂക്ഷ്മപരിശോധന നടത്തുക.
About the Author
