കുമരംപുത്തൂര്: കുന്തിപ്പുഴയുടെ ഗതിമാറ്റം ഭീഷണിയാകുന്ന കുമരംപുത്തൂര് പഞ്ചായ ത്തിലെ വെള്ളപ്പാടം തരിശുഭാഗത്ത് പുഴയോരത്ത് സംരക്ഷണ ഭിത്തി നിര്മിക്കാന് നടപടികളായി. റിവര് മാനേജ്മെന്റ് ഫണ്ടില് നിന്ന് 75 ലക്ഷംരൂപയാണ് സംരക്ഷണ ഭിത്തിക്കായി അനുവദിച്ചിട്ടുള്ളത്. ആകെ 117 മീറ്റര് നീളത്തിലാണ് ഭിത്തി നിര്മിക്കുക. ഇതില് 40 മീറ്റര് നീളം നാലു മീറ്റര് ഉയരത്തിലും 77 മീറ്റര് നീളം മൂന്നുമീറ്റര് ഉയരത്തിലു മാണ് നിര്മിക്കുക. പദ്ധതിയുടെ കരാറായി. കാസര്ഗോഡ് സ്വദേശിയാണ് കരാര് ഏറ്റെ ടുത്തിട്ടുള്ളത്. ഒരുവര്ഷം കൊണ്ട് പൂര്ത്തിയാക്കാനാണ് കരാര്.ഇതോടെ, പുഴഗതി മാറിയൊഴുകി വീടുകളില് വെള്ളം കയറിയും കൃഷിയിടങ്ങള് നശിക്കുകയും ചെയ്യു ന്ന പ്രശ്നത്തിനാണ് പരിഹാരമാകുന്നത്. തരിശുഭാഗത്തിന്റെ എതിര്വശത്തുള്ള തത്തേ ങ്ങലം ഭാഗത്തും സമാനമായ പ്രശ്നം നേരിട്ടിരുന്നു. ഈഭാഗം പിന്നീട് സംരക്ഷണഭിത്തി കെട്ടി സംരക്ഷിക്കുകയുണ്ടായി.
2018ലെ പ്രളയത്തില് ഗതിമാറിയൊഴുകിയ കുന്തിപ്പുഴയുടെ തരിശുഭാഗത്ത് പിന്നീടുള്ള മഴക്കാലങ്ങളിലെല്ലാം ഭീതിയായിരുന്നു. വീടുകളിലേക്ക് വെള്ളംകയറുന്നതായിരുന്നു ഏറെ ആശങ്കപ്പെടുത്തിയത്. പത്തിലധികം കുടുംബങ്ങളാണ് പ്രദേശത്ത്താമസിക്കു ന്നത്. ഇതിനു പുറമെ നിരവധികൃഷിയിടങ്ങളും പുഴ കവര്ന്നുകഴിഞ്ഞു. ഇത്തരത്തില് ഏക്കര്കണക്കിന് കൃഷിയും ഭൂമിയും നശിച്ചു. പുഴയോരത്ത് സംരക്ഷണഭിത്തി നിര് മിച്ച് ശാശ്വതപരിഹാരം കാണണമെന്ന ആവശ്യം നാളുകളായുണ്ട്. വാര്ഡംഗം ഡി. വിജയലക്ഷ്മിയുടെ നേതൃത്വത്തില് ഇതിനുള്ള പരിശ്രമങ്ങളും നിരന്തരമായി നടന്നു വരികയായിരുന്നു.
സംരക്ഷണഭിത്തി നിര്മിക്കണമെന്നാവശ്യപ്പെട്ട് 2021 ല് ഇറിഗേഷന് വകുപ്പിന് പരാതി നല്കിയിരുന്നു. തുടര്ന്ന് 2023ല് സ്റ്റേറ്റ് ഹൈലെവല് കമ്മീഷന് ഓണ് റിവര്മാനേജ് മെന്റ് ഉദ്യോഗസ്ഥര് പ്രദേശം സന്ദര്ശിക്കുകയും ചെയ്തു. അപകടഭീഷണി മനസിലാക്കു കയും സംരക്ഷണഭിത്തിയുള്പ്പെടെയുള്ള നടപടികള് വേണ്ടതാണന്നും അഗീകരിച്ചു. പഞ്ചായത്തിന്റെ നേതൃത്വത്തില്വകുപ്പധികൃതര്ക്കും നിവേദനം നല്കിയിരുന്നു. സംരക്ഷണഭിത്തികെട്ടാനുള്ള അനുമതിയായതിന്റെ സന്തോഷത്തിലാണ് പ്രദേശവാസികള്.
About the Author
