പാലക്കാട്: നവകേരളം കര്മ്മ പദ്ധതിയുടെ ഭാഗമായി ജില്ലാ പഞ്ചായത്ത് സംഘടിപ്പിച്ച ആദരായനം 2025 ജില്ലാ പഞ്ചായത്ത് പ്രസിഡന്റ് കെ. ബിനുമോള് പരിപാടി ഉദ്ഘാടനം ചെയ്തു. പുരസ്കാര വിതരണവും നിര്വഹിച്ചു. കഴിഞ്ഞ വര്ഷങ്ങളില് മികച്ച പ്രവര് ത്തനങ്ങള് നടത്തിയ തദ്ദേശ സ്ഥാപനങ്ങളെ ആദരിച്ചു.സംസ്ഥാന സര്ക്കാരിന്റെ ‘ഒരു തൈ നടാം’ കാംപെയിന്റെ ജില്ലാതല പൂര്ത്തീകരണ പ്രഖ്യാപനവും ഹരിത കേരളം മിഷന്റെ നേതൃത്വത്തില് തദ്ദേശസ്വയംഭരണ സ്ഥാപനങ്ങളുടെ സഹായത്തോടെ പൂര്ത്തിയാക്കിയ മാപ്പത്തോണ് മാപ്പുകളുടെ വിതരണവും നടന്നു. ഹരിത കേരളം മിഷന്റെ ആഭിമുഖ്യത്തില് നടന്ന ‘ഒരു തൈ നടാം’ – ഒരു കോടി വൃക്ഷത്തൈ നടീല് യജ്ഞത്തിന്റെ ഭാഗമായി ജില്ലയില് 9,64,046 വൃക്ഷത്തൈകള് നട്ട് ലക്ഷ്യം പൂര്ത്തിയാ ക്കിയതായും പ്രഖ്യാപിച്ചു.പാലക്കാട് ജില്ലാ പഞ്ചായത്ത് ഹാളില് നടന്ന ചടങ്ങില് ജില്ലാ പഞ്ചായത്ത് വൈസ് പ്രസിഡന്റ് സി.കെ ചാമുണ്ണി അധ്യക്ഷനായി. നവകേരളം കര്മ്മ പദ്ധതി ജില്ലാ കോര്ഡിനേറ്റര് പി. സെയ്തലവി പദ്ധതി വിശദീകരിച്ചു. ജില്ലാ പഞ്ചായത്ത് സ്ഥിരം സമിതി അധ്യക്ഷരായ ശാലിനി കറുപ്പേഷ്, ഷാബിറ ടീച്ചര്, എസ്.ഇ.ഐ.എ.എ. വിദഗ്ദ്ധ സമിതി അംഗം ഡോ. കെ. വാസുദേവന് പിള്ള,ആര്ദ്രം മിഷന് മോഡല് ഓഫിസര് അനൂപ് റസാഖ്, ലൈഫ് മിഷന് ജില്ലാ കോര്ഡിനേറ്റര് ജെ. അനിഷ്, കുടുംബശ്രീ ജില്ലാ കോര്ഡിനേറ്റര് ബി.എസ്. മനോജ്, ജില്ലാ പഞ്ചായത്ത് ഫിനാന്സ് ഓഫിസര് കെ.പി. അനില്കുമാര് തുടങ്ങിയവരും വിവിധ ഗ്രാമപഞ്ചായത്ത് പ്രസിഡന്റുമാര്, സെക്രട്ടറിമാര് എന്നിവര് പങ്കെടുത്തു.
About the Author
