മണ്ണാര്ക്കാട് : അതിതീവ്ര ന്യൂനമര്ദം തെക്കു പടിഞ്ഞാറന് ബംഗാള് ഉള്ക്കടലിന്റെ യും അതിനോട് ചേര്ന്ന മധ്യ പടിഞ്ഞാറന് ബംഗാള് ഉള്ക്കടലിന്റെയും മുകളിലായി ‘മോന്താ’ ചുഴലിക്കാറ്റായി ശക്തി പ്രാപിച്ചു സ്ഥിതി ചെയ്യുന്നതായി കേന്ദ്ര കാലാവസ്ഥ വകുപ്പ് അറിയിച്ചു.ഇത് വടക്കു പടിഞ്ഞാറ് ദിശയില് നീങ്ങി, ഒക്ടോബര് 28-നു രാവി ലെയോടെ ഒരു തീവ്ര ചുഴലിക്കാറ്റായി വീണ്ടും ശക്തിപ്രാപിക്കാന് സാധ്യതയുണ്ട്. ഒക്ടോബര് 28-നു വൈകിട്ട്/രാത്രിയോടെ ആന്ധ്രാപ്രദേശ് തീരത്ത് മച്ചിലിപട്ടണത്തി നും കലിംഗപട്ടണത്തിനും ഇടയില് കാക്കിനടക്കു സമീപം തീവ്ര ചുഴലിക്കാറ്റായി മണിക്കൂറില് പരമാവധി 110 കിലോമീറ്റര് വരെ വേഗതയില് ഇത് കരയില് പ്രവേശി ക്കാനും സാധ്യതയുണ്ട്. അറബിക്കടലില് തീവ്ര ന്യൂനമര്ദം തുടരുന്നു.മധ്യ കിഴക്കന് അറബിക്കടലിനു മുകളിലായി തീവ്രന്യൂനമര്ദം സ്ഥിതി ചെയ്യുന്നതായി കേന്ദ്ര കാലാവസ്ഥ വകുപ്പ് അറിയിച്ചു. ഇത് അടുത്ത 48 മണിക്കൂറിനുള്ളില് മധ്യ കിഴക്കന് അറബിക്കടലിലൂടെ വടക്ക് – വടക്കു കിഴക്കന് ദിശയില് നീങ്ങാന് സാധ്യതയുണ്ട്. കേരളത്തില് അടുത്ത 5 ദിവസം നേരിയ/ ഇടത്തരം മഴയോ ഇടിയോടുകൂടിയ മഴക്കോ സാധ്യതയുണ്ട്. ഒക്ടോബര് 27ന് ഒറ്റപ്പെട്ട അതിശക്തമായ മഴക്കും ഒക്ടോബര് 27,28 തീയതികളില് ഒറ്റപ്പെട്ട ശക്തമായ മഴക്കും സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു.
About the Author
