മണ്ണാര്ക്കാട്: ഒറ്റപ്പെട്ട മലയോര മേഖലകളില് താമസിക്കുന്ന ആദിവാസി കുടുബങ്ങ ള്ക്ക് അവര്ക്ക് അര്ഹതപ്പെട്ട റേഷന് സാധനങ്ങള്, ചൂഷണത്തിന് വിധേയമാകാതെ, അവരുടെ താമസസ്ഥലങ്ങളില് നേരിട്ട് എത്തിക്കുന്നതിനായി സംസ്ഥാന ഭക്ഷ്യ-പൊതുവിതരണ വകുപ്പ് നടപ്പാക്കി വരുന്ന ‘സഞ്ചരിക്കുന്ന റേഷന്കട’ പദ്ധതി വിശപ്പു രഹിത കേരളം എന്ന ലക്ഷ്യത്തിലേക്കുളള വലിയ ചുവടുവെപ്പായി മാറുന്നു. 2017ല് ആരംഭിച്ച പദ്ധതി 2025ല് എട്ടാം വര്ഷത്തിലെത്തിനില്ക്കുമ്പോള് 10 ജില്ലകളിലായി 21 താലൂക്കുകളിലെ 142 ആദിവാസി ഉന്നതികളില് വിജയകരമായി നടപ്പാക്കപ്പെട്ട് ഒറ്റപ്പെ ട്ട മലയോര മേഖലകളിലെ ആദിവാസി കുടുംബങ്ങള്ക്ക് ഭക്ഷ്യഭദ്രത ഉറപ്പാക്കുന്നു.
2017ല് തൃശ്ശൂര് ജില്ലയിലാണ് ‘സഞ്ചരിക്കുന്ന റേഷന്കട’ പദ്ധതിക്ക് തുടക്കമായത്. ഇന്ന് തൃശൂര്, തിരുവനന്തപുരം, പത്തനംതിട്ട, ഇടുക്കി, എറണാകുളം, മലപ്പുറം, പാലക്കാട്, കോഴിക്കോട്, കണ്ണൂര്, വയനാട് എന്നീ ജില്ലകളില് വിജയകരമായി നടപ്പിലാക്കുന്നു. എല്ലാ മാസവും മുടക്കം കൂടാതെ സമീപ റേഷന് കടകളില് നിന്ന് അരി, ഗോതമ്പ്, മണ്ണെണ്ണ, പഞ്ചസാര തുടങ്ങിയ റേഷന് സാധനങ്ങള് ശേഖരിച്ച് ആദിവാസി ഊരുകളി ലെ നിശ്ചിത കേന്ദ്രങ്ങളില് എത്തിക്കുന്നു. പ്രതികൂല കാലാവസ്ഥയിലും വനമേഖല കളിലെ അപകടസാധ്യതകള്ക്കിടയിലും ജീവനക്കാര് പരാതികള്ക്ക് ഇടനല്കാതെ കാര്യക്ഷമമായി റേഷന് സാധനങ്ങളുടെ വിതരണമുറപ്പാക്കുന്നു.
ഓരോ മാസവും വാഹനങ്ങളില് സാധനങ്ങള് എത്തിക്കുന്ന ഈ സംവിധാനം, ഒറ്റപ്പട്ട വനമേഖലകളില് നിന്നും ദൂരങ്ങള് താണ്ടി റേഷന് കടകളിലെത്തേണ്ട അവസ്ഥ യ്ക്കറുതി വരുത്തി ആദിവാസി കുടുംബങ്ങള്ക്ക് വലിയ ആശ്വാസമേകുന്നു.ഈ സാമ്പത്തിക വര്ഷം പദ്ധതിക്കായി 1 കോടി 5 ലക്ഷം രൂപ സര്ക്കാര് അനുവദിച്ചിട്ടുണ്ട്. ജില്ലാ/താലൂക്ക് സപ്ലൈ ഓഫീസുകളില് നിന്ന് ലഭിക്കുന്ന പ്രൊപ്പോസലുകള് അനുസരിച്ച് പദ്ധതി വിപുലീകരിക്കാനും പുതിയ ഉന്നതികളെ ഉള്പ്പെടുത്താനും സര്ക്കാര് തീരുമാനിച്ചിട്ടുണ്ട്.
About the Author
