പാലക്കാട്:വിജ്ഞാന കേരളം തൊഴിൽ പദ്ധതിയുടെ ഭാഗമായി പാലക്കാട് കോയ മ്പത്തൂർ മേഖലയിലെ സംരംഭക സംഘടനകളുമായി തദ്ദേശസ്വയംഭരണ വകുപ്പ് മന്ത്രി എം.ബി. രാജേഷ്, ജില്ലാ കളക്ടർ എം.എസ്. മാധവിക്കുട്ടി ഐ എ എസ് എന്നിവരുടെ നേതൃത്വത്തിൽ നടന്ന ചർച്ചയുടെ ഭാഗമായി തുടർ പ്രവർത്തനങ്ങൾ ആസൂത്രണം ചെയ്യുന്നതിന് സംയുക്ത ടാസ്ക് ഫോഴ്സ് രൂപികരിച്ചു . തൊഴിലവസരങ്ങളുടെ സമാഹരണം , തൊഴിലന്വേഷകരെ കണ്ടെത്തൽ, നൈപുണ്യ പരിശീലനം എന്നിവ തുടർന്ന് നടത്താനും തീരുമാനിച്ചു. പാലക്കാട് – കോയമ്പത്തൂർ വ്യവസായ വ്യാപാര മേഖലകൾക്കാവശ്യമായ തൊഴിലവസരങ്ങളിലേക്ക് തൊഴിലന്വേഷകരെ കണ്ടെത്തി നൽകുന്നതിനുള്ള തൊഴിൽ മേളകൾ നടത്തുന്നതിനും തീരുമാനമായി. കോയമ്പത്തൂർ ഡിസ്ട്രിക്റ്റ് സ്മാൾ ഇൻഡസ്ട്രീസ് അസോസിയേഷൻ (CODISSIA), സൗത്ത് ഇന്ത്യ ടെക്സ്റ്റെൽസ് റിസേർച്ച് അസോസിയേഷൻ (SITRA), കോയമ്പത്തൂർ ഇൻഡസ്ട്രിയൽ ഇൻഫ്രാസ്ട്രക്ച്ചറൽ അസോസിയോഷൻ (CoIndia) സതേൺ ഇന്ത്യ എഞ്ചിനീയറിംഗ് മാനുഫാക്ച്ചറേഴ്സ് അസോസിയേഷൻ (SIEMA), കോയമ്പത്തൂർ ആര്യവൈദ്യ ഫാർമസി, കബിക്കോട് ഇൻഡസ്ട്രിയൽ ഫോറം (KIF), കേരള സ്മാൻ സ്കെയിൽ ഇൻഡസ്ട്രി അസോസിയേഷൻ (KSSIA) എന്നീ സംരംഭക സംഘടനകളെ പ്രതിനിധീകരിച്ച് 47 പേരും ജനപ്രതിനിധികളും, വിജ്ഞാന കേരളം, തദ്ദേശസ്വയംഭരണ വകുപ്പ് , വ്യവസായ വകുപ്പ് എന്നിവയെ പ്രതിനിധീകരിച്ചുള്ള ഉദ്യോഗസ്ഥരും പങ്കെടുത്തു. വിജ്ഞാന കേരളം സ്ട്രാറ്റജിക് അഡ്വൈസർ ഡോ. പി സരിൻ മോഡറേറ്ററായിരുന്നു. ജില്ലാ പഞ്ചായത്ത് പ്രസിഡൻ്റ് ചെയർപേഴ്സണും ജില്ലാ കളക്ടർ കൺവീനറുമായിട്ടുള്ള ടാസ്ക് ഫോഴ്സിൻ്റെ നേതൃത്വത്തിൽ തുടർ പ്രവർത്തനങ്ങൾ ആസൂത്രണം ചെയ്യും.
About the Author
