മണ്ണാര്ക്കാട് : തദ്ദേശസ്വയംഭരണ പൊതുതെരഞ്ഞെടുപ്പിനുള്ള ഇലക്ട്രോണിക് വോട്ടി ങ് മെഷീനുകള് വോട്ടെടുപ്പിന് ഉപയോഗിക്കാന് സജ്ജമായി. ഇലക്ട്രോണിക് വോട്ടിങ് മെഷീനുകളുടെ (ഇ.വി.എം) ആദ്യഘട്ട പരിശോധന (എഫ്.എല്.സി. ഫസ്റ്റ് ലെവല് ചെക്കിംഗ്) പൂര്ത്തിയായി.സംസ്ഥാന തെരഞ്ഞെടുപ്പ് കമ്മീഷന്റെ ഉടമസ്ഥതയിലുള്ള 137922 ബാലറ്റ് യൂണിറ്റുകളും, 50693 കണ്ട്രോള് യൂണിറ്റുകളും ആണ്, അവയുടെ നിര്മാതാക്കളായ ഇലക്ട്രോണിക് കോര്പ്പറേഷന് ഓഫ് ഇന്ത്യ ലിമിറ്റഡ് പരിശോധിച്ച് സാക്ഷ്യപ്പെടുത്തി, ജില്ലകളിലെ സ്ട്രോംങ് റൂമുകളില് സൂക്ഷിച്ചിട്ടുള്ളത്. ഇലക്ട്രോ ണിക് കോര്പ്പറേഷന് ഓഫ് ഇന്ത്യ ലിമിറ്റഡിലെ 29 എഞ്ചിനീയര്മാരുടെ നേതൃത്വത്തി ല് പരിശീലനം ലഭിച്ച ആയിരത്തോളം ഉദ്യോഗസ്ഥരാണ് വോട്ടിങ് യന്ത്രങ്ങളുടെ പ്രവര്ത്തനക്ഷമത പരിശോധിച്ചത്. 14 ജില്ലകളിലുമായി 21 കേന്ദ്രങ്ങളില് വച്ചാണ് വോട്ടിങ് യന്ത്രങ്ങളുടെ പരിശോധന നടത്തിയത്. ജൂലൈ 25-ന് ആരംഭിച്ച പരിശോധന ഒരു മാസം കൊണ്ടാണ് പൂര്ത്തിയാക്കിയത്. സംസ്ഥാനതെരഞ്ഞെടുപ്പ് കമ്മീഷന്റെ ഇ.വി.എം കണ്സള്ട്ടന്റ് എല്.സൂര്യനാരായണന് ആണ് ജില്ലാതലത്തില് ഉദ്യോഗസ്ഥ ര്ക്ക് പരിശീലനം നല്കിയത്. ഇ.വി.എം ട്രാക്ക് എന്ന സോഫ്റ്റ് വെയറിന്റെ സഹായ ത്തോടെയാണ് ഇ.വി.എമ്മുകളുടെ വിന്യാസം നടത്തുന്നത്. അതാത് ജില്ലാ കളക്ടര്മാരു ടെ ചുമതലയിലാണ് ഇവ ഇപ്പോള് സ്ട്രോംങ് റൂമുകളില് സൂക്ഷിച്ചിട്ടുള്ളത്.
എഫ്.എൽ.സി കഴിഞ്ഞ് പ്രവർത്തനസജ്ജമായ മെഷീനുകളുടെ ജില്ലതിരിച്ചുള്ള എണ്ണം
| ജില്ല | എണ്ണം | |
| ബാലറ്റ് യൂണിറ്റ് | കൺട്രോൾ യൂണിറ്റ് | |
| തിരുവനന്തപുരം | 11859 | 4652 |
| കൊല്ലം | 11044 | 4091 |
| പത്തനംതിട്ട | 6184 | 2180 |
| ആലപ്പുഴ | 9207 | 3305 |
| കോട്ടയം | 9516 | 3405 |
| ഇടുക്കി | 6467 | 2194 |
| എറണാകുളം | 11680 | 4658 |
| തൃശൂർ | 13157 | 4577 |
| പാലക്കാട് | 12339 | 4371 |
| മലപ്പുറം | 16174 | 5902 |
| കോഴിക്കോട് | 11024 | 4283 |
| വയനാട് | 3663 | 1379 |
| കണ്ണൂർ | 9680 | 3609 |
| കാസർഗോഡ് | 5928 | 2087 |
| ആകെ | 137922 | 50693 |
About the Author
