മണ്ണാര്ക്കാട് : നാട്ടില് തിരിച്ചെത്തിയ പ്രവാസികള്ക്കായി (വാര്ഷിക വരുമാനം ഒന്നരലക്ഷം രൂപയില് താഴെ) സംസ്ഥാന സര്ക്കാര് നോര്ക്ക റൂട്ട്സ് വഴി നടപ്പിലാ ക്കിവരുന്ന സാന്ത്വന ധനസഹായപദ്ധതിയുമായി ബന്ധപ്പെട്ട അദാലത്ത് ആഗസ്റ്റ് 27ന് നടക്കും. പാലക്കാട് കളക്ടറേറ്റ് കോണ്ഫറന്സ് ഹാളില് രാവിലെ 10 മുതല് വൈകിട്ട് മൂന്ന് വരെ നടക്കുന്ന അദാലത്തില് മുന്കൂട്ടി രജിസ്റ്റര് ചെയ്യുന്നവര്ക്ക് മാത്രമായിരി ക്കും പ്രവേശനം. താല്പര്യമുളളവര് www.norkaroots.org ല് ആഗസ്റ്റ് 25 ന് മുന്പായി അപേക്ഷ നല്കണം. മരണാനന്തര ധനസഹായമായി ആശ്രിതര്ക്ക് പരമാവധി ഒരു ലക്ഷം രൂപ വരെയും, ചികിത്സാ സഹായമായി പരമാവധി 50,000 രൂപയും, മകളുടെ വിവാഹത്തിന് പരമാവധി 15,000 രൂപയും അംഗപരിമിത പരിഹാര ഉപകരണങ്ങള്ക്ക് (കൃത്രിമ കാല്, ഊന്നുവടി, വീല്ചെയര്) പരമാവധി 10,000 രൂപയും പദ്ധതിയിലൂടെ ലഭിക്കും.
അപേക്ഷ നല്കുന്നതിന് എല്ലാ പാസ്പോര്ട്ടുകളും, വരുമാന സര്ട്ടിഫിക്കറ്റ്, റേഷന് കാര്ഡ്, ആധാര് കാര്ഡ്, സേവിങ്സ് ബാങ്ക് പാസ് ബുക്ക്, ഫോട്ടോ എന്നീ പൊതു രേഖകളാണ് ആവശ്യമുളളത്. ഇവ കൂടാതെ ഓരോ പദ്ധതിക്കും പ്രത്യേകം രേഖകളും ആവശ്യമാണ്. ചികിത്സാസഹായത്തിന് പൊതു രേഖകള്ക്കൊപ്പം മെഡിക്കല് സര് ട്ടിഫിക്കറ്റ്, ഡിസ്ചാര്ജ് സമ്മറിയും മെഡിക്കല് ബില്ലുകളും മരണാനന്തര ധനസഹായ ത്തിന് മരണ സര്ട്ടിഫിക്കറ്റ്, പുനര്വിവാഹം ചെയ്തിട്ടില്ല എന്ന് തെളിയിക്കുന്ന സര്ട്ടി ഫിക്കറ്റ്, കുടുംബാംഗങ്ങളുടെ പേര് ഒരേ റേഷന് കാര്ഡില് ഇല്ലെങ്കില് ഫാമിലി മെമ്പ ര്ഷിപ്പ് സര്ട്ടിഫിക്കറ്റ് എന്നിവയും ഹാജരാക്കേണ്ടതാണ്. മരണാനന്തര ധനസഹായ ത്തിനുള്ള അപേക്ഷകര് ലീഗല് ഹയര്ഷിപ്പ് സര്ട്ടിഫിക്കറ്റ് ഹാജരാക്കണം. ഈ സമയ ത്ത് പുനര്വിവാഹം ചെയ്തിട്ടില്ല എന്ന സര്ട്ടിഫിക്കറ്റ് ആവശ്യമില്ല.
വിവാഹ ധനസഹായത്തിന് പൊതു രേഖകള്ക്കൊപ്പം വിവാഹ സര്ട്ടിഫിക്കറ്റും ഹാജരാക്കണം. മുന്പ് അപേക്ഷ നല്കിയവരും, നിരസിക്കപ്പെട്ടവരും വീണ്ടും അപേക്ഷിക്കേണ്ടതില്ല. ഒരാള്ക്ക് ഒറ്റ സ്കീം പ്രകാരം മാത്രമേ സഹായം അനുവദിക്കൂ. അപേക്ഷ സമര്പ്പിക്കുമ്പോഴും, ധനസഹായം സ്വീകരിക്കുമ്പോഴും അപേക്ഷകന് വിദേശത്തായിരിക്കാന് പാടില്ല. കൂടുതല് വിവരങ്ങള്ക്ക് 24 മണിക്കൂറും പ്രവര്ത്തി ക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91-8802 012 345 (വിദേശത്തുനിന്നും, മിസ്ഡ് കോള് സര്വ്വീസ്), +91-8281004908, 0491 2505606.
About the Author
