മണ്ണാര്ക്കാട്: ചികിത്സയ്ക്കു പണമില്ലാതെ മരിച്ച പള്ളിക്കുറുപ്പ് മഹാവിഷ്ണുക്ഷേത്രത്തി ലെ സുരക്ഷാജീവനക്കാരന് ചന്ദ്രന്റെ കുടുംബത്തെ ഒളപ്പമണ്ണ ദേവസ്വം അധികൃതര് സന്ദര്ശിച്ചു. സഹായധനം കൈമാറുകയും ചന്ദ്രന്റെ ഭാര്യക്ക് ക്ഷേത്രത്തില് സ്വീപ്പര് തസ്തികയില്സ്ഥിരനിയമനം നല്കിയതായും അറിയിച്ചു. ചൊവ്വാഴ്ച രാവിലെയാണ് അ ധികൃതര് പള്ളിക്കുറുപ്പിലെ കുറിയപള്ളിയാല് വീട്ടിലെത്തിയത്.
അതിന് മുന്പ് ക്ഷേത്രത്തിലെത്തി ജീവനക്കാരുമായും സംസാരിച്ചു. ഒളപ്പമണ്ണ ദേവ സ്വം ട്രസ്റ്റി ഒ.എം. ഹരിനമ്പൂതിരിപ്പാട്, ട്രസ്റ്റി അംഗം ഒ.എം വാസുദേവന് നമ്പൂതിരി, ക്ഷേത്രം എക്സിക്യുട്ടീവ് ഓഫീസര് കെ.സി വേണുഗോപാല് എന്നിവരുടെ നേതൃത്വത്തി ലാണ് വീട് സന്ദര്ശിച്ചത്. ചന്ദ്രന്റെ ഭാര്യ ചന്ദ്രികയും മക്കളായ വിശാഖും വിഷ്ണുവും ചേര്ന്നാണ് ധനസഹായം ഏറ്റുവാങ്ങിയത്. 25,000 രൂപയാണ് സഹായ ധനം കൈമാറിയ ത്. തുടര്ന്ന് ജോലി നല്കിയതായുള്ള വിവരവും അറിയിച്ചു.ദേവസ്വംബോര്ഡ് ചെയര് മാന് വെള്ളിയാഴ്ച നേരിട്ടെത്തി നിയമന ഉത്തരവ് കൈമാറുമെന്നും അറിയിച്ചു.
മലബാര് ദേവസ്വംബോര്ഡ് എക്സിക്യുട്ടീവ് ഓഫീസര് എം. പങ്കജാക്ഷന്, പാലക്കാട് ഏരിയകമ്മിറ്റി ഭാരവാഹികളായ കെ.ടി. രാമചന്ദ്രന്, വി.വി. നീലകണ്ഠന് , ക്ഷേത്രം ജീവനക്കാര് എന്നിവരും സംഘത്തിലുണ്ടായിരുന്നു. ക്ഷേത്രത്തിലെ മറ്റൊരു ജീവന ക്കാരനായ വാരിയം കെ.വി. മുരളീധരന്റെ കുടുംബത്തിനുള്ള ചികിത്സാസഹാ യമായി 10,000 രൂപയും കൈമാറി.ചന്ദ്രന് ഉള്പ്പെടെ നിരവധിപേര്ക്കുള്ള കുടിശ്ശികതുക ലഭിക്കാത്തത് സാങ്കേതികമായ തടസങ്ങള്മൂലമാണെന്ന് ക്ഷേത്രംപ്രതിനിധികള് അറിയിച്ചു.
About the Author
