വിതരണത്തിനായി സജ്ജമായത് 2409 പട്ടയങ്ങള്
മണ്ണാര്ക്കാട് : സംസ്ഥാന സര്ക്കാരിന്റെ ‘എല്ലാവര്ക്കും ഭൂമി, എല്ലാ ഭൂമിക്കും രേഖ, എ ല്ലാ സേവനങ്ങളും സ്മാര്ട്ട്’ എന്ന ലക്ഷ്യത്തിന്റെ ഭാഗമായി സംഘടിപ്പിക്കുന്ന പട്ടയമേള നാളെ സംസ്ഥാന റവന്യൂ നിര്മാണ വകുപ്പ് മന്ത്രി കെ.രാജന് ഓണ്ലൈനായി ഉദ്ഘാ ടനം ചെയ്യും. പാലക്കാട് ജില്ലയില് 2409 പട്ടയങ്ങളാണ് വിതരണത്തിനായി സജ്ജമായി രിക്കുന്നത്. ആലത്തൂരില് 263, തരൂരില് 322, ചിറ്റൂരില് 63, നെന്മാറയില് 90, പാലക്കാട് 98, മലമ്പുഴയില് 84, കോങ്ങാട് 249, ഒറ്റപ്പാലം 343, ഷൊര്ണ്ണൂരില് 140, മണ്ണാര്ക്കാട് 459, പട്ടാ മ്പിയില് 104, തൃത്താലയില് 194 എന്നിങ്ങനെയാണ് വിവിധ നിയോജക മണ്ഡലങ്ങളില് പട്ടയങ്ങള് വിതരണം ചെയ്യുന്നത്. ജില്ലയില് 2021 മുതല് 2025 മെയ് വരെ 53524 പട്ടയങ്ങ ളാണ് ഇതുവരെ വിതരണം ചെയ്തിട്ടുള്ളത്. പാലക്കാട്, മലമ്പുഴ മണ്ഡലങ്ങളിലെ പട്ടയമേ ള ഉച്ചയ്ക്ക് 2.30ന് യാക്കര സുമംഗലി കല്യാണ മണ്ഡപത്തില് നടക്കും. രാഹുല് മാങ്കൂട്ട ത്തില് എം.എല്.എ. അധ്യക്ഷനാകും. പരിപാടിയില് എ. പ്രഭാകരന് എം.എല്.എ. പട്ടയ ങ്ങള് വിതരണം ചെയ്യും. വി.കെ. ശ്രീകണ്ഠന് എം.പി. മുഖ്യാതിഥിയാകുന്ന പരിപാടിയി ല് ജില്ലാ പഞ്ചായത്ത് പ്രസിഡന്റ് കെ. ബിനുമോള്, ജില്ലാ കളക്ടര് ജി. പ്രിയങ്ക എന്നിവര് പങ്കെടുക്കും.
പട്ടാമ്പി നിയോജകമണ്ഡലത്തില് പട്ടയ വിതരണം പട്ടാമ്പി ബ്ലോക്ക് പഞ്ചായത്ത് ഹാളി ല് രാവിലെ 11 ന് നടക്കും. മുഹമ്മദ് മുഹ്സിന് എം.എല്.എ അധ്യക്ഷനാകുന്ന പരിപാടി യില് വി.കെ ശ്രീകണഠന് എം.പി മുഖ്യാതിഥിയാവും. ഒറ്റപ്പാലം സബ് കളക്ടര് ഡോ. മിഥുന് പ്രേംരാജ് പങ്കെടുക്കും.ചിറ്റൂര് നിയോജകമണ്ഡലത്തില് പട്ടയമേളയും, റീ – ബില് ഡ് കേരള ഇനിഷ്യേറ്റിവ് പദ്ധതിയില് ഉള്പ്പെടുത്തി നിര്മ്മാണം പൂര്ത്തിയാക്കിയ കൊ ല്ലങ്കോട്-1 സ്മാര്ട്ട് വില്ലേജ് ഓഫീസ് കെട്ടിടത്തിന്റെ ഉദ്ഘാടനവും നടക്കും. കൊല്ലങ്കോട് ഫയര് സ്റ്റേഷന് അങ്കണത്തില് രാവിലെ 10.30 നാണ് പരിപാടി. കെ. ബാബു എം.എല്.എ അധ്യക്ഷനാവും. രാധാകൃഷ്ണന് എം.പി മുഖ്യാതിഥിയാവും.ആലത്തൂര് നിയോജകമണ്ഡ ലത്തില് പട്ടയ മേള എരിമയൂര് ഗ്രാമപഞ്ചായത്ത് ഹാളില് രാവിലെ 11ന് നടക്കും. കെ. ഡി പ്രസേനന് എം.എല്.എ. അധ്യക്ഷനാകും. കെ.രാധാകൃഷ്ണന് എം.പി മുഖ്യാതിഥിയാ വും.
തരൂര് നിയോജകമണ്ഡലത്തില് പട്ടയമേള വടക്കഞ്ചേരി ഇ. എം.എസ് സ്മാരക കമ്മ്യൂണി റ്റി ഹാളില് രാവിലെ 11.30 ന് നടക്കും. പി.പി സുമോദ് എം.എല്.എ അധ്യക്ഷനാകും. പരി പാടിയില് കെ.രാധാകൃഷ്ണന് എം.പി വിശിഷ്ടാതിഥിയാവും.കോങ്ങാട് മണ്ഡലത്തി ല് പട്ടയമേള കരിമ്പ എച്ച്.എസ് ഓഡിറ്റോറിയത്തില് രാവിലെ പത്തിന് നടക്കും. കെ ശാന്ത കുമാരി എംഎല്എ അധ്യക്ഷനാകും. വി.കെ ശ്രീകണ്ഠന് മുഖ്യാതിഥിയാവും.ഷൊര്ണ്ണൂര് മണ്ഡലത്തില് പട്ടയ വിതരണം രാവിലെ 11ന് ചെര്പ്പുളശ്ശേരി നഗരസഭാ ഹാളില് നട ക്കും. പി. മമ്മിക്കുട്ടി എം.എല്.എ അധ്യക്ഷനാകും. വി.കെ ശ്രീകണഠന് എം.പി മുഖ്യാ തിഥിയാവും.ഒറ്റപ്പാലം മണ്ഡലത്തില് പട്ടയവിതരണം വൈകീട്ട് മൂന്നിന് ശ്രീകൃഷ്ണപുരം ബ്ലോക്ക് പഞ്ചായത്തില് നടക്കും. പ്രേംകുമാര് എം.എല്.എ അധ്യക്ഷനാകും. വി.കെ ശ്രീകണ്ഠന് എം.പി മുഖ്യാതിഥിയാവും. മണ്ണാര്ക്കാട്, തൃത്താല മണ്ഡലങ്ങള് ഒഴികെ യുള്ള മണ്ഡലങ്ങളുടെ വിതരണമാകും നാളെ നടക്കുക. ഈ മണ്ഡലങ്ങളിലെ പട്ടയമേള പിന്നീട് നടക്കും.
About the Author
