മണ്ണാര്ക്കാട് : സഹകരണ പെന്ഷന്കാരുടെ മസ്റ്ററിങ് ബയോമെട്രിക്കിലേക്ക് മാറ്റുന്ന തിന് സഹകരണ പെന്ഷന്കാരുടെ നിശ്ചിത പ്രൊഫോമ പ്രകാരമുള്ള വിവരങ്ങള് പെന്ഷന് ബോര്ഡ് എല്ലാ ജില്ലകളിലും സിറ്റിങ് നടത്തി സ്വീകരിച്ചിരുന്നു. പെന്ഷന് ബോര്ഡ് അവശ്യപ്പെട്ട വിവരങ്ങള് ആദ്യ ഘട്ടത്തില് സമര്പ്പിക്കാന് സാധിക്കാത്ത സ്ഥാപനങ്ങള്ക്കും, പെന്ഷന്കാര്ക്കും വേണ്ടി ജൂണ് 13 മുതല് 26 വരെ സിറ്റിങ്ങ് നടത്തും. പാലക്കാട് ജില്ലയില് ജൂണ് 24ന് കേരള ബാങ്ക് ഹാളിലായിരിക്കും സിറ്റിങ്.
സഹകരണ പെന്ഷന്കാരുടെ മസ്റ്ററിങ് ബുദ്ധിമുട്ടുകള് പരിഹരിക്കാന് ലൈഫ് സര്ട്ടിഫിക്കറ്റ് ജീവന്രേഖ വഴി സമര്പ്പിക്കുന്നതിന് വേണ്ടിയാണ് പ്രൊഫോമ പ്രകാരം വിവരങ്ങള് ശേഖരിക്കുന്നത്. പെന്ഷന് ബോര്ഡ് തയ്യാറാക്കിയ പ്രൊഫോമയോടൊപ്പം ആധാറിന്റെ പകര്പ്പും ഉള്പ്പെടുത്തിയാണ് രേഖകള് നല്കേണ്ടത്. പെന്ഷന്കാര് സേവനമനുഷ്ഠിച്ചിരുന്ന ബാങ്ക് /സംഘം രേഖകള് ശേഖരിക്കുകയും ചീഫ് എക്സിക്യൂട്ടീവ് ഓഫീസര്/ കേരള ബാങ്ക് മാനേജര്/ ഗസറ്റഡ് ഓഫീസര് സാക്ഷ്യപ്പെടുത്തുകയും ചെയ്യു ന്ന രേഖകള് ജില്ലയില് സിറ്റിങ് നടത്തുന്ന കേന്ദ്രങ്ങളില് ബന്ധപ്പെട്ട തീയതിയില് എത്തിക്കണമെന്ന് പെന്ഷന് ബോര്ഡ് അഡീഷ്ണല് രജിസ്ട്രാര് അറിയിച്ചു. ഫോണ്: 0471 2475681.
About the Author
