കാഞ്ഞിരപ്പുഴ: കല്ലമലറോഡിനു സമീപം ആരംഭിക്കുമെന്ന് പറയുന്ന വിദേശമദ്യ വില്പനനശാലാകേന്ദ്രം കെട്ടിടത്തിന് മുന്നില് നാട്ടുകാരുടെ പ്രതിഷേധം. പൊലിസ് സ്ഥലത്തെത്തി പ്രതിഷേധക്കാരുമായി സംസാരിച്ചശേഷമാണ് സ്ഥിതിഗതികള് ശാന്തമായത്. ഇന്ന് വൈകീട്ട് 6.30നാണ് സംഭവം.കഴിഞ്ഞ രണ്ടാഴ്ചയിലധികമായി ഇവിടെ ജനകീയ കുത്തിയിരിപ്പ് സമരം നടന്നുവരികയാണ്. കല്ലമല്ല പൗരസമിതി , വടുക സമുദായ സാംസ്കാരികസമിതി, നാട്ടുകാര് എന്നിവരുടെ നേതൃത്വത്തിലാണ് സമരം നടക്കുന്നത്. ഇന്ന് വൈകീട്ട് നിര്ദ്ദിഷ്ട കെട്ടിടത്തില് മദ്യശേഖരം ഇറക്കുമെന്ന വാര്ത്ത പരന്നതോടെയാണ് സ്ത്രീകളും കുട്ടികളുമുള്പ്പടെയുള്ള നൂറിലധികംപേര് കെട്ടിട ത്തിന് മുന്നില് തടിച്ചുകൂടിയത്. വിവരമറിഞ്ഞ് മണ്ണാര്ക്കാട് സി.ഐ. എം.ബി. രാജേഷി ന്റെ നേതൃത്വത്തില് പൊലിസുമെത്തി. കല്ലമല റോഡിലെ കെട്ടിടത്തില് യാതൊരു കാരണവശാലും മദ്യവില്പനകേന്ദ്രം അനുവദിക്കില്ലെന്ന് നാട്ടുകാര് പറഞ്ഞു. കാഞ്ഞി രത്തെ ബിവ്റേജസ് ജീവനക്കാരും സ്ഥലത്തെത്തിയിരുന്നു. പൊലിസ് ഇരുകൂട്ടരുമായും സംസാരിച്ചു. മദ്യശേഖരം ഇറക്കുന്നില്ലെന്ന് ബീവ്്റേജസ് ഉദ്യോഗസ്ഥരും പറഞ്ഞു. ഇതോടെയാണ് രംഗം ശാന്തമായത്.
About the Author
