മണ്ണാര്ക്കാട്: കിഴക്കൻ യൂറോപ്യൻ രാജ്യമായ ജോർജിയയിൽ ജോലി വാഗ്ദാനം ചെയ്ത് തട്ടിപ്പു നടത്തുന്ന വ്യാജ റിക്രൂട്ട്മെന്റ് ഏജന്റുമാർക്കും ഏജൻസികൾക്കുമെതിരെ ജാഗ്രത പാലിക്കണമെന്ന് നോർക്ക റൂട്ട്സ് ചീഫ് എക്സിക്യൂട്ടീവ് ഓഫീസർ അജിത് കോളശ്ശേരി അറിയിച്ചു. ഇത്തരത്തിൽ ജോലി വാദ്ഗാനം ലഭിച്ച നിരവധി പേർ വഞ്ചി ക്കപ്പെട്ടുവെന്ന പരാതികളുടെ അടിസ്ഥാനത്തിലാണ് ജാഗ്രതാ നിർദേശം. ഉയർന്ന വേ തനമുള്ള ജോലി വിശ്വസിപ്പിച്ച് രണ്ട് മുതൽ അഞ്ച് ലക്ഷം രൂപ വരെ ഫീസ് ഈടാക്കി നിരവധിപേരെ വ്യാജ റിക്രൂട്ട്മെന്റ് സംഘം വഞ്ചിച്ചിട്ടുണ്ട്. യുഎഇ ഉൾപ്പെടെയുളള രാജ്യങ്ങളിൽ താമസ അനുമതി ഉള്ളവർക്ക് ജോർജിയയിൽ വിസ കൂടാതെ 30 ദിവ സത്തേക്ക് പ്രവേശനം സാധ്യമാകുമെന്ന് വിശ്വസിപ്പിച്ചാണ് തട്ടിപ്പു നടത്തുന്നത്. വിദേശ തൊഴിലവസരങ്ങൾ കേന്ദ്ര വിദേശകാര്യ മന്ത്രാലയത്തിന്റെ അംഗീകാരമുളള റിക്രൂ ട്ട്മെന്റ് ഏജൻസികൾ വഴി മാത്രമേ പാടുളളൂ. ഇതിനായി നിയമാനുസൃതമായ ഫീസ് മാത്രമേ ഈടാക്കാനുമാകൂ.
വിദേശ തൊഴിൽ തട്ടിപ്പുകളുമായി ബന്ധപ്പെട്ട പരാതികൾ നോർക്ക ഓപ്പറേഷൻ ശുഭയാത്രയിലൂടെ spnri.pol@kerala.gov.in, dyspnri.pol@kerala.gov.in എന്നീ ഇ മെയിലുകൾ വഴിയും, 0471-2721547 എന്ന ഹെൽപ്പ്ലൈൻ നമ്പറിലും അറിയിക്കാം. വിദേശകാര്യ മന്ത്രാലയത്തിന്റെ ഇ-മൈഗ്രേറ്റ് വെബ്പോർട്ടൽ (www.emigrate.gov.in) മുഖേന റിക്രൂട്ട്മെ ന്റ് ഏജൻസിക്ക് ലൈസൻസുണ്ടോ എന്ന് പരിശോധിക്കാവുന്നതാണ്. ഇതിനോടകം പരാതികൾ ലഭിച്ചിട്ടുളള അനധികൃത ഏജൻസികളുടെ വിവരങ്ങളും ഇ-മൈഗ്രേറ്റ് പോർട്ടലിൽ അറിയാൻ കഴിയും. തിരുവനന്തപുരത്തും എറണാകുളത്തും പ്രവർത്തി ക്കുന്ന വിദേശകാര്യമന്ത്രാലയത്തിനു കീഴിലുള്ള പ്രൊട്ടക്ടർ ഓഫ് എമിഗ്രന്റ്സ് (POE) ഓഫീസുകളിൽ നേരിട്ടോ ഫോൺ മുഖേനയോ ബന്ധപ്പെട്ട് പരസ്യങ്ങളുടെ നിജസ്ഥിതി പരിശോധിക്കുന്നതിനും അവസരമുണ്ട്. തിരുവനന്തപുരം 0471-2336625-26, എറണാകുളം 0484-2315400, 2360187, 2372040 നമ്പറുകളിൽ ബന്ധപ്പെടാവുന്നതാണ്. വിദേശകാര്യ മന്ത്രാ ലത്തിന്റെ പ്രവാസി ഭാരതീയ സഹായത കേന്ദ്രത്തിന്റെ (PBSK) ടോൾ ഫ്രീ ഹെൽപ്പ് ലൈൻ നമ്പർ 1800 11 3090, അന്താരാഷ്ട്ര ഹെൽപ്പ്ലൈൻ നമ്പർ (കോൾ നിരക്കുകൾ ബാധകം): +91 11 26885021,+91 11 40503090 ഇവയിലോ മലയാളത്തിൽ 0484-2314900, 2314901 (10AM-05PM) നമ്പറുകളിലോ ബന്ധപ്പെട്ടും ആധികാരികത ഉറപ്പിക്കാം.
About the Author
