gmതിരുവനന്തപുരം: കേരള സാങ്കേതിക വിദ്യാഭ്യാസ വകുപ്പിന് (ഡി.ടി.ഇ കേരള) കീഴിലുള്ള സ്ഥാപനങ്ങളിലെ അധ്യാപകര്‍ക്കും വിദ്യാര്‍ഥികള്‍ക്കുമായി ആധുനിക സാങ്കേതിക വിദ്യകളില്‍ സംയുക്തമായ പരിശീലന പരിപാടികള്‍ നടപ്പിലാക്കുന്നതിന് കേരള സര്‍ക്കാര്‍ ടെക്‌നിക്കല്‍ എഡ്യൂക്കേഷന്‍ ഡിപ്പാര്‍ട്ട്‌മെന്റ് (ഡി.ടി.ഇ) നൈലിറ്റ് കാലിക്കറ്റുമായി ധാരണാപത്രം ഒപ്പുവെച്ചു. നൈലിറ്റ് കാലിക്കറ്റ് കേന്ദ്ര ഇലക്ട്രോണി ക്‌സ് ആന്‍ഡ് ഇന്‍ഫര്‍മേഷന്‍ ടെക്‌നോളജി മന്ത്രാലയത്തിന്റെ കീഴില്‍ പ്രവര്‍ത്തി ക്കുന്ന ഒരു സ്വയംഭരണ സ്ഥാപനമാണ്. സാങ്കേതിക വിദ്യാഭ്യാസ വകുപ്പ് ഡയറക്ടര്‍ ഡോ. പി.ആര്‍ ഷാലിജും നൈലിറ്റ് കാലിക്കറ്റ് ഡയറക്ടര്‍ ഡോ. എസ്. പ്രതാപ് കുമാറു മാണ് ധാരണാപത്രം ഒപ്പുവെച്ചത്. സാങ്കേതിക വിദ്യാഭ്യാസ വകുപ്പ് സീനിയര്‍ ജോയിന്റ് ഡയറക്ടര്‍ സീമ കെ.എന്‍, സ്റ്റേറ്റ് ഇന്‍സ്റ്റിറ്റ്യൂട്ട് ഓഫി ടെക്‌നിക്കല്‍ ടീച്ചേഴ്‌സ് ട്രെയിനിങ് ആന്‍ഡ് റിസര്‍ച്ച് (എസ്.ഐ.ടി.ടി.ടി.ആര്‍) കളമശ്ശേരി ജോയിന്റ് ഡയറക്ടര്‍ അനി അബ്രഹാം, നൈലിറ്റ് കാലിക്കറ്റ് സീനിയര്‍ ടെക്‌നിക്കല്‍ ഓഫീസര്‍ ശ്രീജീഷ് എസ്.ജി എന്നിവര്‍ ചടങ്ങില്‍ സന്നിഹിതരായിരുന്നു. സഹകരണത്തിന്റെ ഭാഗമായി ഡി.ടി.ഇ യുടെ കീഴിലുള്ള പോളിടെക്‌നിക്ക് കോളേജുകളിലെ അധ്യാപകര്‍ക്കും വിദ്യാര്‍ഥിക ള്‍ക്കും കട്ടിങ്ങ് എഡ്ജ് സാങ്കേതിക വിദ്യകളില്‍ പ്രായോഗിക പരിശീലനം, ഗവേഷണ സാധ്യതകള്‍, ഇന്‍ഡസ്ട്രി- അക്കാഡമിയ സഹകരണ പദ്ധതികള്‍ എന്നിവ നൈലിറ്റ് കാലിക്കറ്റ് ലഭ്യമാക്കും. കൂടാതെ നവീന കോഴ്‌സുകളുടെ വികസനം, സമകാലിക സാങ്കേതിക വിദ്യകളില്‍ പരിശീലനം, ഉന്നത നിലവാരമുള്ള പ്രോജക്ട് മാര്‍ഗ നിര്‍ദ്ദേ ശങ്ങള്‍ എന്നിവയുടെ പ്രയോജനം കൂടി ഈ ധാരണാപത്രം വഴി ഉറപ്പാക്കുമെന്ന് അധി കൃതര്‍ അറിയിച്ചു. സ്റ്റേറ്റ് ഇന്‍സ്റ്റിറ്റ്യൂട്ട് ഓഫ് ടെക്‌നിക്കല്‍ ടീച്ചേഴ്‌സ് ട്രെയിനിങ് ആന്‍ ഡ് റിസര്‍ച്ച് കളമശ്ശേരി ആണ് സാങ്കേതിക വിദ്യാഭ്യാസ വകുപ്പിന് വേണ്ടി നോഡല്‍ ഏജന്‍സിയായി പ്രവര്‍ത്തിക്കുക.
