മണ്ണാര്ക്കാട് : മാലിന്യമുക്ത നവകേരളം ക്യാമ്പയിനിന്റെയും ഏപ്രില് മാസത്തില് തദ്ദേശഭരണവകുപ്പിനുവേണ്ടി ശുചിത്വമിഷന്റെ ഏകോപനത്തില് വിവിധ ഏജന് സികള് സംഘടിപ്പിക്കുന്ന ‘വൃത്തി – 2025’ അന്താരാഷ്ട്ര കോണ്ക്ലേവിന്റെയും ഭാഗമാ യി ‘റീല്സ്’ മത്സരം സംഘടിപ്പിക്കുന്നു. മലയാളത്തിലുള്ള ഒരു മിനിട്ടോ അതില് കുറവോ ദൈര്ഘ്യമുള്ള വീഡിയോകളാണ് വേണ്ടത്. മികച്ച വീഡിയോയ്ക്ക് ഒരു ലക്ഷം രൂപ സമ്മാനം നല്കും. ഇതിനായി നിര്ദേശിക്കുന്ന ആറു വിഷയങ്ങളില് നിന്ന് ഒരു വിഷയം തിരഞ്ഞെടുക്കുകയോ/നല്കിയിരിക്കുന്ന വിഷയങ്ങള് സമന്വയിപ്പിച്ചോ വീഡിയോ ചെയ്യണം. ക്യാമറയോ മൊബൈല് ഫോണോ ഉപയോഗിക്കാം. സ്വന്തം ആശയം ആയിരിക്കണം. 9:16 അനുപാതത്തില് എംപി4 അല്ലെങ്കില് എവിഐഫോര്മാ റ്റിലാവണ് റീലുകള് നല്കേണ്ടത്. റീല്സുകളില് കുറ്റകരമോ, അപകീര്ത്തികരമോ, വെറുപ്പുളവാക്കുന്നതോ ആയ ഉള്ളടക്കം ഉണ്ടാകരുത്. ശുചിത്വം, ശാസ്ത്രീയമായ മാലിന്യസംസ്കരണം, തുടങ്ങിയ മൂല്യങ്ങളുമായി പൊരുത്തപ്പെടുന്നതായിരിക്കണം ഉള്ളടക്കം. vruthireels2025@gmail.com മെയില് ഐഡിയിലേക്ക് മാര്ച്ച് 24 നകം അയയ്ക്ക ണം. പങ്കെടുക്കുന്നയാളുടെ മുഴുവന് പേര്, പൂര്ണ വിലാസം, ഫോണ് നമ്പര്, സോഷ്യല് മീഡിയ ഹാന്ഡിലുകളുടെ (ഫേസ് ബുക്, ഇന്സ്റ്റാഗ്രാം) ലിങ്കുകള് എന്നിവ സഹിതമാ ണ് വീഡിയോ അയയ്ക്കേണ്ടത്. ഒരു മത്സരാര്ത്ഥിയില് നിന്ന് ഒരു വീഡിയോ മാത്രമേ സ്വീകരിക്കുകയുള്ളൂ. കൂടുതല് വിവരങ്ങള്ക്ക്: www.suchitwamission.org, www.vruthi.in.
About the Author
