മണ്ണാര്ക്കാട്: പാലക്കാട് ജില്ലയില് ഇത്തവണ എസ്.എസ്.എല്.സി. പരീക്ഷയെഴുതുന്നത് 40,324 വിദ്യാര്ഥികള്. 20,456 ആണ്കുട്ടികളും 19,868 പെണ്കുട്ടികളും പരീക്ഷ എഴുതും. തിങ്കളാഴ്ച മുതല് മാര്ച്ച് 26 വരെ രാവിലെ 9:30 മുതല് 12:15 വരെയാണ് പരീക്ഷ.പരുതൂര് പള്ളിപ്പുറം എച്ച്.എസ് (961 കുട്ടികള്) സ്കൂളിലാണ് ഏറ്റവും കൂടുതല് വിദ്യാര്ഥികള് പരീക്ഷ എഴുതുന്നത്. ഏറ്റവും കുറവ് വിദ്യാര്ഥികള് പരീക്ഷ എഴുതുന്നത് ഷൊര്ണ്ണൂര് ജി.എച്ച്.എസ്.എസ് (10 കുട്ടികള്) സ്കൂളിലാണ്. പാലക്കാട് ജില്ലാ വിദ്യാഭ്യാസ ഓഫീസ് പരിധിയില് 18,866 കുട്ടികളും, ഒറ്റപ്പാലം , മണ്ണാര്ക്കാട് എന്നിവിടങ്ങളില് യഥാക്രമം 12 ,389, 9069 കുട്ടികളുമാണ് പരീക്ഷ എഴുതുന്നത്. വേനല് ചൂട് കണക്കിലെടുത്ത് താഴത്തെ നിലയിലായിരിക്കും കൂടുതലും പരീക്ഷാ ഹാളുകള് ക്രമീകരിക്കുന്നത്. താഴത്തെ നില യില് ലഭിച്ചില്ലെങ്കില് മാത്രം ഒന്നാം നിലയില് സജീകരിക്കും. ഫാനുകളും , കുടിവെള്ള സൗകര്യവും ആവശ്യത്തിന് വിസ്തൃതിയും ഹാളുകളില് ഉറപ്പുവരുത്തും. ജില്ലയില് ആകെ 193 സെന്ററുകളാണ് പരീക്ഷയ്ക്കായി ഒരുക്കിയിട്ടുള്ളതെന്ന് വിദ്യാഭ്യാസ ഉപ ഡയറക്ടര് അറിയിച്ചു.
About the Author
