പാലക്കാട് : ദേശീയ മന്ത് രോഗ നിവാരണ പരിപാടിയുടെ ഭാഗമായി നടപ്പിലാക്കുന്ന സമൂഹ ചികിത്സാ പരിപാടിക്ക് ജില്ലയില് തുടക്കമായി. മന്തുരോഗത്തിന് കാരണ മാകുന്ന മൈക്രോ ഫൈലേറിയ വിരകള്ക്കെതിരെ ഒരു സമൂഹത്തിലെ മുഴുവന് ആളുകള്ക്കും ഒരു ദിവസം തന്നെ ഗുളിക നല്കി വിരസാന്ദ്രത കുറച്ച് സമൂഹത്തില് രോഗസംക്രമണം തടയുന്നതിനുള്ള പരിപാടിയാണിത്. മൈക്രോ ഫൈലേറിയ വിര കളുടെ സാന്നിദ്ധ്യം പരിശോധിക്കുന്നതിനായി ആരോഗ്യ വകുപ്പിന്റെ നേതൃത്വത്തില് ജില്ലയില് മൈക്രോ ഫൈലെറിയ അസ്സസ്മെന്റ്, പ്രീടാസ് സര്വെകള് നടത്തിയിരു ന്നു. ഇതില് മൈക്രോ ഫൈലേറിയ വിരകള് ബാധിച്ച വ്യക്തികളുടെ എണ്ണം കൂടുതല് റിപ്പോര്ട്ട് ചെയ്ത കോങ്ങാട് ഹെല്ത്ത് ബ്ലോക്കിലെ കോങ്ങാട്, അകത്തേത്തറ, മലമ്പുഴ, മരുതറോഡ്, പുതുപ്പരിയാരം, കേരളശ്ശേരി, മണ്ണൂര്, കരിമ്പ, മുണ്ടൂര് എന്നീ ഗ്രാമപഞ്ചായ ത്തുകളിലും പാലക്കാട് മുനിസിപ്പാലിറ്റിയിലുമാണ് സമൂഹ ചികിത്സാ പരിപാടി നടപ്പാ ക്കുന്നത്.
ശരീരത്തിലെ ഫൈലേറിയ വിരകള് നശിക്കുന്നതിനായി ഒരു ആല്ബന്റസോള് ഗുളികയും മൈക്രോഫൈലേറിയ വിരകള് നശിക്കുന്നതിനായി പ്രായമനുസരിച്ച് നിഷ്കര്ഷിച്ചിട്ടുള്ള അളവില് ഡി.ഇ.സി. ഗുളികകളും കഴിക്കണം. ബന്ധപ്പെട്ട ആരോഗ്യവകുപ്പ് ജീവനക്കാരും പരിശീലനം ലഭിച്ച സന്നദ്ധപ്രവര്ത്തകരും പ്രസ്തുത പ്രദേശങ്ങളിലെ വീടുകള് സന്ദര്ശിച്ച് പ്രദേശനിവാസികള് എല്ലാവരും ഗുളികകള് കഴിച്ചു എന്ന് ഉറപ്പുവരുത്തും. രണ്ടു വയസ്സില് താഴെ പ്രായമുള്ള കുട്ടികള്, ഗര്ഭിണി കള്, ക്യാന്സര്, വൃക്ക രോഗങ്ങള് തുടങ്ങിയ ഗുരുതര രോഗങ്ങള് ഉള്ളവര് ഒഴികെ എല്ലാവരും ഗുളികകള് കഴിക്കണം. ആഹാരത്തിനു ശേഷമാണ് ഗുളികകള് കഴി ക്കേണ്ടത്.മൈക്രോ ഫൈലേറിയ വിരകള് ശരീരത്തില് ഉണ്ടായാലും രോഗ ലക്ഷ ണങ്ങളോ കാര്യമായ ബുദ്ധിമുട്ടുകളോ പ്രകടമാകാന് അഞ്ചു മുതല് 15 വര്ഷങ്ങള് വരെ എടുക്കും എന്നതിനാല് തന്നെ രോഗബാധിതരെ തിരിച്ചറിയാന് ബുദ്ധിമുട്ടാണ്. ആയതിനാല് രോഗ ലക്ഷണങ്ങളില്ലാത്ത ആരോഗ്യമുള്ളവരും ഗുളികകള് കഴിക്കേണ്ടതാണെന്ന് ജില്ലാ മെഡിക്കല് ഓഫീസര് (ആരോഗ്യം) അറിയിച്ചു.
ഫെബ്രുവരി 10 മുതല് രണ്ടാഴ്ചക്കാലം നീണ്ടു നില്ക്കുന്ന പരിപാടിയുടെ ജില്ലാതല ഉദ്ഘാടനം മരുതറോഡ് കുടുംബാരോഗ്യ കേന്ദ്രത്തില് വച്ച് മരുതറോഡ് ഗ്രാമപഞ്ചായ ത്ത് പ്രസിഡന്റ് പി. ഉണ്ണികൃഷ്ണന് നിര്വഹിച്ചു.മലമ്പുഴ ബ്ലോക്ക് പഞ്ചായത്ത് ആരോഗ്യ വിദ്യാഭ്യാസ സ്ഥിരം സമിതി അധ്യക്ഷ ആര്. ശോഭന അധ്യക്ഷത വഹിച്ച പരിപാടി യില് മരുതറോഡ് ഗ്രാമപഞ്ചായത്ത് വൈസ് പ്രസിഡന്റ് സി. നിര്മല, സമൂഹ ചികിത്സ പരിപാടി ബോധവത്ക്കരണ പ്രതിജ്ഞ ചൊല്ലിക്കൊടുത്തു. ജില്ലാ മെഡിക്കല് ഓഫീസര് (ആരോഗ്യം) ഡോ. കെ.ആര് വിദ്യ വിഷയാവതരണം നടത്തി.മരുതറോഡ് ഗ്രാമപഞ്ചാ യത്ത് ആരോഗ്യ വിദ്യാഭ്യാസ സ്ഥിരം സമിതി അധ്യക്ഷന് ഗോപിനാഥന് ഉണ്ണിത്താന്, വാര്ഡ് മെമ്പര് സൗമ്യ വിനീഷ്, കോങ്ങാട് സി.എച്ച്.സി. സൂപ്രണ്ട് ഡോ. മൈനാവതി, മരുതറോഡ് കുടുംബാരോഗ്യ കേന്ദ്രം മെഡിക്കല് ഓഫീസര് ഡോ. കെ. പ്രജീഷ, ജില്ലാ വി.ബി.ഡി കണ്ട്രോള് ഓഫീസര് കെ.ആര് ദാമോദരന്, ജില്ലാ എഡ്യൂക്കേഷന് മീഡിയ ഓഫീസര് ഇന് ചാര്ജ് രജീന രാമകൃഷ്ണന്, പാലക്കാട് ട്രൈബല് എക്സ്റ്റന്ഷന് ഓഫീസര് എ.സുരേന്ദ്രന്, കുടുംബശ്രീ മിഷന് സ്നേഹിത കൗണ്സിലര് ഉഷാ കുമാരി കെ, ടെക്നി ക്കല് അസിസ്റ്റന്റ് ഗ്രേഡ് 2 വിനോദ് കുമാര്, ജില്ലാ പബ്ലിക് ഹെല്ത്ത് നേഴ്സ് ഇന് ചാര്ജ് ടി.പി രമ എന്നിവര് സംസാരിച്ചു.
About the Author
