മണ്ണാര്‍ക്കാട് : ശരീരത്തില്‍ പെട്രോളൊഴിച്ച് കത്തിച്ചതിനെ തുടര്‍ന്ന് പൊള്ളലേറ്റ വയോധികന്‍ മരിച്ചു. വാക്കടപ്പുറം കരിയോട് ഉഴുന്നുപാടം വീട്ടില്‍ കുഞ്ഞാപ്പ (62) ആണ് മരിച്ചത്. കരിയോടുള്ള ഇദ്ദേഹത്തിന്റെ തോട്ടത്തില്‍വെച്ചായിരുന്നു സംഭവം. സമീപവാസിയായ സ്ത്രീയാണ് പൊള്ളലേറ്റനിലയില്‍ കുഞ്ഞാപ്പയെ കണ്ടത്.തുടര്‍ന്ന് നാട്ടുകാരെ വിവരം അറിയിക്കുകയയായിരുന്നു. നാട്ടുകാരും ബന്ധുക്കളും ചേര്‍ന്ന് മണ്ണാര്‍ക്കാട് താലൂക്ക് ആശുപത്രിയിലെത്തിച്ചെങ്കിലും മരണം സംഭവിച്ചതായി ഡോക്ടര്‍മാര്‍ സ്ഥിരികരിച്ചു. മണ്ണാര്‍ക്കാട് പൊലിസ് സ്ഥലത്തെത്തി മേല്‍നടപടികള്‍ സ്വീകരിച്ചു.