കോട്ടോപ്പാടം : ജില്ലാ വിദ്യാഭ്യാസ പരിശീലന കേന്ദ്രത്തിന്റെ സഹകരണത്തോടെ കോട്ടോപ്പാടം കല്ലടി അബ്ദുഹാജി ഹയര്‍ സെക്കന്‍ഡറി സ്‌കൂളില്‍ നടന്നുവന്ന ഇഗ്ലീഷ് പരിശീലന പരിപാടിയ്ക്ക് സമാപനംകുറിച്ച് ബ്ലോസംസ് ഇംഗ്ലീഷ് ഫെസ്റ്റ് നടന്നു. ഡയറ്റ് സീനിയര്‍ ലക്ചറര്‍ ഡോ. വി.ടി ജയറാം ഉദ്ഘാടനം ചെയ്തു. സാഹിത്യകാരന്‍ കെ.പി.എസ്. പയ്യനെടം മുഖ്യാതിഥിയായിരുന്നു. സ്‌കൂള്‍ പ്രിന്‍സിപ്പല്‍ എം.പി സാദിക്ക്, പ്രധാന അധ്യാപകന്‍ ശ്രീധരന്‍ പേരഴി, പി.ടി.എ. പ്രസിഡന്റ് കെ.ടി അബ്ദുള്ള, മാനേജര്‍ കല്ലടി അബ്ദുള്‍ റഷീദ്, സി.പി വിജയന്‍, സൈനുല്‍ ആബിദ്, അബ്ബാസ്, റഫീക്ക് ചെള്ളി എന്നി വര്‍ സംസാരിച്ചു. മണ്ണാര്‍ക്കാട് ഉപജില്ലയിലെ വിവിധ വിദ്യാലയങ്ങളില്‍ നിന്നായി നൂറോളം വിദ്യാര്‍ഥികള്‍ വിവിധ പരിപാടികളില്‍ പങ്കെടുത്തു.
