പാലക്കാട് : തിരഞ്ഞെടുപ്പ് അവബോധ പ്രവര്‍ത്തനങ്ങളോടനുബന്ധിച്ചുള്ള സ്വീപ്പ് (സിസ്റ്റമാറ്റിക് വോട്ടേഴ്‌സ് എഡ്യുക്കേഷന്‍ ആന്റ് ഇലക്ടറല്‍ പാര്‍ട്ടിസിപ്പേഷന്‍ പ്രോ ഗ്രാം) പ്രവര്‍ത്തനങ്ങളുടെ ഭാഗമായി ചുമര്‍ ചിത്രം തയ്യാറാക്കി. പാലക്കാട് ആറ്റംസ് കോളേജിലെ ഫൈന്‍ ആര്‍ട്സ് വിദ്യാര്‍ഥികളാണ് ജില്ലാ സ്വീപ്പ് സെല്ലിന്റെ സഹകരണ ത്തോടെ മണപുള്ളികാവ് ഹൈവേ ജങ്ഷനില്‍ ചിത്രകല ഒരുക്കിയത്. തിരഞ്ഞെടുപ്പ് സന്ദേശം ഉൾക്കൊണ്ടുള്ള ചുമർചിത്രത്തിന്റെ പ്രകാശനം ജില്ലാ കളക്ടർ ഡോ. എസ്. ചിത്ര നിര്‍വഹിച്ചു. ചടങ്ങില്‍ സ്വീപ്പ് നോഡൽ ഓഫീസർ റെബിൻ രാജ്, ഡെപ്യൂട്ടി കളക്ടർ (ആര്‍.ആര്‍) സച്ചിൻ കൃഷ്ണ, ജില്ലാ തിരഞ്ഞെടുപ്പു വിഭാഗം ഉദ്യോഗസ്ഥര്‍ തുടങ്ങിയവര്‍ സംബന്ധിച്ചു.
